________________
६०-६४ ]
जीतकल्पसूत्रम् । इय सव्वावत्तीओ, तवसो जाउं अहकम समए । जीएण दिज णिव्वीतिगाति दाणं जहाभिहितं ॥६२ इय एतेण कमेणं, एवपगारेण अहव इतिसद्दो । सव्वा आवत्ती पणगादिया तु छम्मासपज्जन्ता ॥१८०५॥ णिवीइगमाईओ, अट्ठमपज्जतो होइ सव्वतवो । जीएण दिज दाणं, णिवीतिगमादिगं कमसो ॥१८०६॥ जहभिहितं जह भणिय, तह तह देजाहिऽभिहितमेयं ति । सामण्णेणं एयं, समासतो होति णातव्वं ॥१८०७॥६२॥०॥ एयं पुण सव्वं चिय, पायं सामण्णयो विणिदिटुं। दाणं विभागतो पुण, दव्वादिविसेसियं जाण ॥३॥ एवं ति जहुद्दि, पुणसद्दो विसेसणे तु णातव्यो । सव्वं पाच्छित्तं, दाणं पाएण बाहुल्ला ॥१८०८॥ सामण्णं अविसेसित, णिद्दिडं विसेसितं विणिदिड । दाणं णिन्वितिगादी, विभागतो देज वित्थरतो ॥१८०९॥ दव्वादीया पडिसेवणा तु लतिया तु आदिसद्देणं । होति विसेसेणाऽवेक्खितूण दिज्जाहि जणं पि ॥१८१०॥ अहवा वि समतिरित्तं, दाणं णाऊण देज जीएणं । अहवा वि तत्तियं चिय, दिज्जाहि सुयोवदेसेणं ॥१८११॥६॥०॥ दव्वं खेत्तं कालं, भावं पुरिस पडिसेवणाओय। णातुमितं चिय दिज्जा, तम्मत्तं हीणमाहितं व ॥६॥ आहारादी दव्वं, खितं लुक्खादि काल गिम्हादी। हिट्ठादी भावं तू, पुरिसं गीयादि जाणित्ता ॥१८१२॥ आउट्टिगमादीया, पडिसेवण होति. तू मुणेतव्वा । णाऊण जाणितूणं, इति मि त्ति जए त जीएणं ॥१८१३।।
Jain Education International
For Private & Personal Use Only
www.jainelibrary.org
