________________
स्वोपज्ञभाष्ययुत
[गाया ओयत्तेन्ती साहारणं च देन्ती य चोरिययं ॥१५७३॥ पाहुडियं च ठवेन्ती, सपञ्चवाया परं च उद्दिस्स ।। आभोग अणाभोगेण दलंती वज्जणिज्जा उ ॥१५७४॥ एतेसि दायगाणं, गहणं केसिंचि होति भइयव्वं । केसिंची अग्गहणं, तप्पडिवक्खे भवे गहणं ॥१५७५॥ एते दायगदोसा, एतेहिं दिजमाण ण वि कप्पे । जे तु अकारणे गेण्हे, पच्छित्तं तेसि वोच्छामि ॥१५७६॥ बाले बुड़े मत्ते, उम्मत्ते वेविए य जरिए य । एतेसिं मासलहुं, आवत्ती दाण पुरिमई ॥१५७७॥ अंधेल्ल-पगलियादी, जाव तु दारं तु बालवच्छ त्ति । पत्तेयं चतुगुरुगा, दाणं पुण होयऽभत्तटुं ॥१५७८।। भुंजण-घुसुलेन्तीए, आवत्तो चतुलहू मुणेयव्वा । दाणं आयामं ती, भज्जणमादी अतो वोच्छं ॥१५७९॥ भज्जन्ती य दलेती, जाव तु छक्कायवग्गहत्थ त्ति । समणहा ते चेव तु, णिक्खिव आगाह घट्टन्ती ॥१५८०॥ एत्थ तु विसरिसदाणं, पच्छित्तं होति कायणिप्फण्णं । सेसेसुं दारेसुं, चतुलहुगा दाणमायामं ॥१५८१॥
एते दायग भणिता, एत्तो उम्मीसयं पवक्रवामि । उन्मिश्रदोषः तं तिह सचित्त मोसग, अच्चित्तेणं च उम्मीसं ॥१५८२॥
जह चेव य संजोगो, कायाणं हेट्टओ तु साहरणे । तह चेव य उम्मीसे, होति विभागो णिरवसेसो ॥१५८३।। चोएति को विसेसो, साहरणुम्मीसयाण दोण्हं पि ? भण्णति साहरणं तू, भिक्खट्टा भत्तयं रेये ॥१५८४॥ उम्मीसं पुण दायव्वयं च दो वेते मीसितुं देज्जा । बीय हरियाइएहिं, जह ओदण कुसणमादीणि ॥१५८५॥ तं पि य सुक्खे सुक्खं, भंगा चत्तारि जह तु साहरणे ।
Jain Education International
For Private & Personal Use Only
www.jainelibrary.org
