________________
३५ ]
जीतकल्पसूत्रम् । लोउत्तरछण्णेसा, उभयच्छण्णं अतो वोच्छं ॥१३३१॥ जामाइतित्थजत्तागतस्स उवादिपोकडेण कतं । सो आगतो त्ति धूया, उभयच्छण्णं इमं भणति ॥१३३२॥ एव भणेज्जहि खंती, तं किर तह चैव चिंतियं जं तु । जह ण वि संघाडो से, अण्णो व वियाणति कोति ॥१३३३॥ उभयच्छण्णा एसा, सग्गामे अभिहिता भवे दूती । एमेव परग्गामे, दुह दृती कह पुण करेजा ? ॥१३३४॥ गामाण दोण्ह वेर, सेज्जायरिधूय तत्थ परगामे । सामत्थं गामस्स य, जह एवं हणिमो परगामं ॥१३३५॥ खंतो तु तत्थ पच्छा, भिक्खायरियाएँ तो तु सेज्जतरी । अप्पाहेती खंत, मम धूय भणेजसू एवं ॥१३३६।। जह गामो पडिउकामो, सा उ भणेजासु मा कुण पमायं । तीय कहियं तु तस्सा, तेण वि गामस्स तं कहियं ॥१३३७॥ ते य ठिय एगपासे, इतरे पडिता कतं तहिं जुद्धं । सेज्जातरिपति-पुत्ता, जामाता चेव वहिओ उ ॥१३३८॥ बेति जणो केगेयं, कहियं ? ति बेति सेन्जयरी । जामाति-पुत्त-पतिमारएण खतेण मे सिह ॥१३३९॥ जम्हा एते दोसा, दूतित्तं खूण कप्पती तम्हा । दूतीपिंडे चउलहु, आवत्ती दाणमायामं ॥१३४०॥ णियमा तिकालविसयम्मि णिमित्ते छविहे भवे दोसा।। सज्जं तु वट्टमाणो, आतुभए तत्थिमं जातं ॥१३४१॥ आकंपिया णिमित्तेण भोइणी केणती तु लिंगीणं। भोइयचिरगयपुच्छा, केवतिकालेण एजाहि ? ॥१३४२॥ कल्लं चिय एति त्ती, इयरी पडिभणति पचयो को उ ? । तुह गुज्झदेस तिलओ, सुविणाती पञ्चए कहए ॥१३४३॥
निमित्तदोषः
Jain Education International
For Private & Personal Use Only
www.jainelibrary.org
