________________
जीतकल्पसूत्रम् ।
अणलखियमीसदव्वे, सव्वविवेगोऽवयवे सुद्धो ॥१३०६॥ अह पुण ण संथरेजा, ताहे परिठावणा तु तम्मत्तं । इत्थं चउभंगो तू, सुक्खोल्लणिवाययो इणमो ॥१३०७॥ सुक्खे सुक्खं पडियं, सुक्खे उल्लं तु उल्ले सुक्खं तु । उल्ले उल्लं च तहा, एस चउत्थो भवे भंगो ॥१३०८ मुक्खे सुक्खं पडियं, पढमगभंगो विगिंचति मुहं तु । बितियम्मि दवं छोडं, गालेति दवं करं दाउं ॥१३०९॥ ततियम्मि करं छोढुं, उल्लिपइ ओदणादि जं तरति । चरिमे सव्वविवेगो, दुलभदवे वा वि तम्मत्तं ॥१३१०॥ एव विगिचित्तऽसढो, जेसु पदेसुं तु सुज्झए साहू । मायावी ण वि सुज्झे, तम्हा असढेण होयव्यं ॥१३११॥ एवं गवेसणाए, उग्गमदारं समासतो भणितं । उप्पायणमहुणा तू, समासओ हं पवक्खामि ॥१६१२॥ सोलस उग्गमदोसे, गिहिणो उ समुट्ठिए वियाणाहि । उप्पायणाएँ दोसे, साहूतु समुट्टिए जाण ॥१३१३॥ णामं ठवणा दविए, भावे उप्पायणा मुणेयव्वा । दव्वे सचित्तादिविहाण, चित्ते दुपयादि तिविह इमा ॥१३१४॥" आयामुयमादीहि, वालचिय-तुरंगबीयमादीसु । मुय-आस-दुमादीणं, उप्पायणया तु सञ्चित्ता ।।१३१५॥ कणग-रययाइयाणं, जहेधातुविहिता तु अञ्चित्ता । मीसा उ सभंडाणं, दुपया तुप्पायणा दब्वे ॥१३१६॥ भावे पसत्थ इयरा, कोहादुप्पायणा तु अपसत्था । कोहादिजुया धायादिणं च णाणादि तु पसत्था ॥१३१७॥ अपसत्थियभावुप्पायणाएँ एत्थं तु होति अहिगारो। सा सोलसहा तु इमा, धायादीया मुणेयव्या ॥१३१८॥
उत्पादनाया निक्षेपाः
Jain Education International
For Private & Personal Use Only
www.jainelibrary.org
