________________
स्वोपज्ञभाष्ययुतं
गाथा दुञ्चितिय दुब्भासिय, दुच्चेट्ठिय एवमादियं बहुहा। उवउत्तो वि ण याणति, जं देवसियातियाराति ॥१४॥ 'दु त्ति दुगुंछा' धातू, संजमउवरोहि कुच्छियं होति । तं मणसा जइ चिंतिय, दुचिंतिय एव णातव्वं ॥९४५।। एवं तू दुब्भासिय, दुचेट्टिय एवमेव णातव्वं । दुप्पडिलेहियमादी, आदीसहेण बोद्धव्वं ॥९४६॥ एमादियं तु बहुसो, अणेगसो होइ हू मुणेतव्वं । उवउत्तो वि ण जाणति, ण वि संभरती उ जं भणियं ॥९४७॥ आदिग्गहणेणं पुण, राइय पक्खिय तहेव चउमासे । संवच्छरिए य तहा, अतियारा होति बोद्धव्या ।।९४८॥ सव्वेसु य बितियपए, दंसणणाणचरणावराहेसु । आउत्तस्स तदुभयं, सहसकाराइणा चेव ॥१५॥ पढम उस्सग्गपदं, अववादपयं तु बितिययं होति । सम्बग्गहणेणं पुण, सव्व अवराहा मुणेयव्वा ॥९४९॥ दंसण णाण चरित्ते, जे अवराहा तु होन्ति गीतत्थे । कारणजयणाजुत्ते, एव जयंतस्स जे उ भवे ॥९५०॥ जह तिक्खउदगवेगे, विसमम्मि व विज्जलम्मि वचंतो। कुणमाणो वि पयत्तं, अवसो जह पावए पडणं ॥९५१॥ तह समणसुविहियाणं, सव्वपयत्तेण वी जयंताणं । कम्मोदयपच्चइया, विराहणा कस्सइ हवेज्जा ॥९५२॥ प(पु?)रिसज्जतणाजुत्ते, तस्स विसोहीय तदुभयं होति । सहसा वि होइ तदुभय, आवण्णे दंसणाईसु ॥९५३॥ तदुभयदार समत्तं, विवेगदारं अयो पवक्खामि । कस्स पुण विवेगो ऊ, तत्थ इमा होति गाहा तु ॥९५४॥
Jain Education International
For Private & Personal Use Only
www.jainelibrary.org
