________________
१७. रत्नत्रयसूत्र
(अ) व्यवहार-रत्नत्रय २०८. धम्मादीसद्दहणं, सम्मत्तं णाणमंगपुव्वगदं।
चिट्ठा तवंसि चरिया, ववहारो मोक्खमग्गो त्ति॥१॥
२०९. नाणेण जाणई भावे, दंसणेण य सद्दहे।
चरित्तेण निगिण्हाइ, तवेण परिसुज्झई॥२॥
२१०. नाणं चरित्तहीणं, लिंगग्गहणं च दंसणविहीणं।
संजमहीणं च तवं, जो चरइ निरत्थयं तस्स॥३॥
२११. नादंसणिस्स नाणं, नाणेण विणा न हुंति चरणगुणा।
अगुणिस्स नत्थि मोक्खो, नत्थि अमोक्खस्स निव्वाणं॥४॥
२१२. हयं नाणं कियाहीणं, हया अण्णाणओ किया।
पासंतो पंगुलो दड्ढो, धावमाणो य अंधओ॥५॥
२१३. संजोअसिद्धीइ फलं वयंति, न हु एगचक्केण रहो
पयाइ। अंधो य पंगू य वणे समिच्चा, ते संपउत्ता नगरं पविट्ठा॥६॥
५६
समणसुत्त - भाग १
Jain Education International
For Private & Personal Use Only
www.jainelibrary.org
