________________
९३४ विसेसचुण्णि
[पुलागभत्तपगयं गया होज्जा । ताहे अणाभोगेणं गहियं होज्जा ।
गहितमणाभोएणं, वाइग वज्जं तु सेस वा भुंजे । भिच्छुप्पियं तु भुत्तुं, जा गंधो ता न हिंडंती ॥६०५७॥
"गहित०" गाहा । वा विभाषायाम् । वज्जेज्ज वा ण वा वज्जेज्ज । जइ अन्नं न लब्भइ, तं च पमज्जंतं अणाभोगगहियं ताहे न भुंजंति । अन्नं पि गेण्हंति । ताहे पेडिऊण एक्कस्स गाहाए' समुद्दिसंति । अह पज्जत्तं तं भुंजित्ता तेणेव भत्तट्टेणं अच्छंति । भिच्छुप्पियं नाम पडलण्णु ।
कारणगमणे वि तहिं, पुव्वं घेत्तूण पच्छ तं चेव । हिंडण पिल्लण बिइए, ओमे तह पाहुणट्ठा वा ॥६०५८॥
"कारण०" गाहा । पुव्वं घेत्तूणं पच्छा तं चेव वत्ति, तत्थ कारणेणं गयाओ अन्नं अलभमाणीउ तं गेण्हंति । ताहे तेणेव भत्तट्टेणं विउसवेंति । बिइयपदे दोच्चं पि विसेउमेतेण पज्जत्तं ण भवति ताहे पंथेऊणं एक्कसराए समुद्दिसंति । तं च समुद्दिट्टो पाहुणिओ आयाओ ताहे तासि कज्जे उयरिज्जइ । तत्थ हिंडंतीण इमा जयणा - धण्णपुलाए आहारिए वाउक्काए आगए पोसगस्स एगं पासं पेल्लेत्ता वाउक्काएंति सन्नाए जत्थ अन्नो संजइपडिस्सओ तत्थ वच्चंति । अभिगयाए वा सडीए३ णिव्वतंति वा । मज्जं लसणं पलंड एगंतेण पडिसिद्धं । णण्णत्थ गिलाणाए।
एसेव गमो नियमा, तिविह पुलागम्मि होइ समणाणं । नवरं पुण नाणत्तं, होइ गिलाणस्स वइयाए ॥६०५९॥
“एसेव गमो०" गाहा । निग्गंथाण वि सव्वं एयं चेव । नवरं इमं नाणत्तं । गिलाणनिमित्तं वइयं गच्छंति । कप्पस्स र्तृ (पू) ।
॥ पुलागभत्तपगयं समत्तं ॥ ॥ कप्पविसेसचुण्णीए पंचमो उद्देसो समत्तो ॥
१. एक्कसराए इति भाव्यम् ? । २. पलाण्डुरित्यर्थः मलवृ । ३. वसहीए इति भाव्यम् ? ।
