________________
१०
विसेसचुण्णि
[बंभरक्खापगयं अहवा महापदाणिं, सुण्हा ससुरो य इक्कमेक्कस्स । दलमाणाणि विणासं, लज्जाणासेण पावंती ॥५९४२॥ "अहवा महापदाणि०" गाहा । महापदाई नाम नहपडाइ । बिइयपदंपयासइ तेणहिए, झामिय वूढे य सावयभए वा । बोहिभए खित्ताइ व, अपाइया हुज्ज बिइयपदे ॥५९४३॥ “पयासति०" गाहा । कण्ठ्या । [सुत्तं] नो कप्पति निग्गंथीए वोसट्ठकाइयाए हुंतए ॥५-१८॥ वोसट्ठकाय पेल्लणतरुणाई गहण दोस ते चेव ।
दव्वावइ अगणिम्मि य, सावयभय बोहिए बितियं ॥५९४४॥ "वोसट्टकाय०" गाहा।
[सुत्तं] नो कप्पइ निग्गंथीए बहिया गामस्स वा जाव सन्निवेसस्स वा उड्ढें बाहाओ पगिज्झिय पगिज्झिय सूराभिमुहीए एगपाइयाए ठिच्चा आयावणाए आयावित्तए।
कप्पइ से उवस्सयस्स अंतोवगडाए संघाडिपडिबद्धाए पलंबिय बाहियाए समतलपाइयाए ठिच्चा आयावणाए आयावित्तए ॥५-१९॥
"नो कप्पति निग्गंथीए बहिया गामस्स वा आयावणाए०" सुत्तं उच्चारेयव्वं ।
आयावणा य तिविहा, उक्कोसा मज्झिमा जहण्णा य । उक्कोसा उणिवण्णा, णिसण्ण मज्झा ठिय जहण्णा ॥५९४५॥
"आयावणा य तिविहा०" गाहा । जा उक्कोसा सा निवण्णस्स, जा मज्झिमा सा पइट्ठस्स, जा जहण्णा सा उट्ठितस्स ।
तिविहा होइ निवण्णा, ओमत्थिय पास तइयमुत्ताणा । उक्कोसुक्कोसा उक्कोसमज्झिमा उक्कोसगजहण्णा ॥५९४६॥ मज्झक्कोसा दुहओ, वि मज्झिमा मज्झिमा जहण्णा य। अहमुक्कोसाऽहममज्झिमा य अहमाहमा चरिमा ॥५९४७॥ पलियंक अद्ध उक्कुडुग मो य तिविहा उ मज्झिमा होइ । तइया उ हत्थिसुंडेगपाद समपादिगा चेव ॥५९४८॥
