________________
९०८ विसेसचुण्णि
[बंभरक्खापगयं गेण्हइ :: ४ (चतुर्लघु), गामाणुगामं दूइज्जति :: । ४ (चतुर्गुरु) । एवं ता अविसेसियं । इदाणिं विसेसियं भण्णइ
मासादी जा गुरुगा, थेरीखुड्डीविमज्झतरुणीणं । तवकालविसिट्ठा वा, चउसुं पि चउण्ह मासाई ॥५९३१॥
"मासादी०" गाहा । थेरी एगाणिया भिक्खट्ठाए जाइ मासलहू ० बहिया, वियारभूमि वा जाइ ० (मासलघु), कालदुवे वि वसहिं गेण्हइ ० (मासलघु), गामाणुगामं दूइज्जति ० (मासलघु) । एएसु ठाणेसु चत्तारि मासलहुगा, तवकालविसेसिया । खुड्डियाए एवं चेव । नवरि मासगुरुगा । मज्झिमाए चउसु वि ठाणेसु चउलहुगा, तवकालविसेसिया । तरुणीए चउसु वि ठाणेसु चउगुरुगा तवकालविसेसिया ।
अच्छंती वेगागी, किं ण्हु हु दोसे ण इत्थिगा पावे ।
आमोसगतरुणेहिं, किं पुण पंथम्मि संका य ॥५९३२॥ "अच्छंती०" गाहा । 'संका य' त्ति अवस्समेसा दुस्सीला जेण एगागिणी भमइ । एगाणियाएँ दोसा, साणे तरुणे तहेव पडिणीए । भिक्खऽविसोहि महव्वत, तम्हा सबितिज्जियागमणं ॥५९३३॥ असिवादि मीससत्थे, इत्थी पुरिसे य पूतिते लिंगे। एसा उ पंथ जयणा, भाविय वसही य भिक्खा य ॥५९३४॥
"एगाणियाए०"["असिवादि०"] गाहा । बिइयपदेणं असिवादीसु कारणेसु एगागी होज्जा । तत्थिमा जयणा-इत्थी-परिसमीसेण सत्थेण समं वच्चइ । तत्थ परिव्वाइयादी जं पूइयं लिंगं तं करेइ । जाणि साधुभावियाणि कुलाणि तेसु वसहिं गेण्हइ । भिक्खं पि तेसु चेव अडइ ।
[सुत्तं] नो कप्पइ निग्गंथीए अचेलियाए हुंतए ॥५-१६॥ "नो कप्पइ निग्गंथीए अचेलियाए होअए०" सुत्ताओ सम्बन्ध:
वुत्तो अचेलधम्मो, इति काइ अचेलगत्तणं ववसे । जिणकप्पो वऽज्जाणं, निवारिओ होइ एवं तु ॥५९३५॥ अजियम्मि साहसम्मी, इत्थी ण चए अचेलिया होउं । साहसमन्नं पि करे, तेणेव अइप्पसंगेण ॥५९३६॥
