________________
[पाणगविहिपगयं] [सुत्तं] निग्गंथस्स य गाहावइकुलं पिंडवायपडियाए अणुप्पविट्ठस्स अंतोपडिग्गहगंसि दगे वा दगरए वा दगफुसिए वा परियावज्जेज्जा, से य उसिणे भोयणजाते भोत्तव्वे सिया, से य सीए भोयणजाते तं नो अप्पणा भुंजेज्जा, नो अन्नेसिं दावए, एगते बहुफासुए पदेसे परिद्ववेयव्वे सिया ॥५-१२॥
"निग्गंथस्स य गाहावइकुलं०" सुत्तं उच्चारेयव्वं । सम्बन्धः -
आहारविही वुत्तो, अयमण्णो पाणगस्स आरंभो। कायचउक्काऽऽहारे, कायचउक्कं च पाणम्मि ॥५८९७॥
"आहार०" गाहा । 'कायचउक्काहारे' त्ति हेट्ठाणंतरसुत्ते पाणग्रहणेण तसा बीयग्गहणा वणस्सइ, रयग्रहणा पुढवि अगणिकाओ य एते चत्तारि काया एतेहिं परियावण्णं । इहावि चउहिं चेव काएहिं परियाविज्जइ सीओदयं आउक्कायं, उण्होदयं अगणीकाओ, णालिएरी पाणगादि वणस्सतिकाओ, दुद्धं तसकाओ । एष सम्बन्धः ।
परिमाणे नाणत्तं, दगबिंदुं दगरयं वियाणाहि। सीभरमो दगफुसितं, सेसं तु दगं दव खरं वा ॥५८९८॥
"परिमाणे०" गाहा । उदग-दगरयाणं परिमाणओ णाणत्तं । जं चेव उ[द]कं तं चेव दगरयं दगं नाम आउक्काओ बहुओ चेव दगरओ। 'दगफुसिया णाम अन्नत्थ पाणिए छुब्भमाणे वंसी होति । सीभरा णाम फुसिया । जं तं दगं बहुयं तं द्रवं वा खरं वा परिवसन्नाता आवन्ना आयरियावन्ना अंतो पडिग्गहएणं चेववस्थितं, तं जइ उसिणपरिणामं पडिग्गहिए वि उसिणं तो भुज्जइ, सीतं विगिचियव्वं एस सुत्तत्थो । नियुक्तिविस्तर:
एमेव य बितियसुत्ते, पलोगणा गिहणे य गहिते य ।
अणभोगा अणुकंपा, पंतत्ता वा दगं देज्जा ॥५८९९॥ [नि०]
“एमेव य३०" गाहा । जा मग्गिल्ले सुत्ते विही भणिया सा इह वि बिइयसुत्ते भाणियव्वा । पलोयणाई गेण्हणे गहिए य सो चेव गमो । जं पुण तं उदगं देज्ज तं तहिं कारणेहिं अणुकंपाए
१. विद्धं इ । चिट्ठ ड । २. धंसी चू । ३. एमेव विति० मुच ।
