Page Text
________________
८८७
भासगाहा-५८२९-५८३४]
पंचमो उद्देसो आदियइ चउगुरुगा । आणादी आणा कोविता तित्थगराणं, अणवत्था मिच्छत्तविराहणा । जहा वादी तहा कारी ण भवंति । अहवा दट्टण सिढिलगमणमब्भुवगमवागरणमसारं' हड्डे सरक्खाविणेहिं अइसइतावंतं आतियंतेहिं विराहणा तस्स वा अण्णस्स वा भवति । एत्थ दिटुंतो अमच्चबडुएणं ।
___ एगो रंकदवप्पगो२ मज्जियाकूर जिमितो अतिपमाणं संखडीए । निग्गतो रायपथमोगाढो तस्स हिययं उच्छल्लं । सो अमच्चपासायस्स हेट्ठा वमितुमारद्धो । अमच्चेणं दिट्ठो । ताहे सो वमेत्ता तं आहारं अविद्दायं पासित्ता तं लोभेणं भुंजिउमारद्धो । तं दट्ठणं अमच्चस्स अंगाणि उल्लसियाणि उड्टुं च जायं । एवं तस्स दिवसे दिवसे जेमणवेलाए समुद्दिसंतस्स उटुं भवति । वग्गुलिवाही से जातो, मतो । एवं तस्स विराहणा जाया । सो वि धिज्जातिओ एमेव मओ। एवं तस्स संजयस्स विराहणा । अन्नस्स वा संजयस्स होज्जा । जम्हा एते दोसा तम्हा उग्गालो न उग्गियव्वो । दिया वा राओ वा कहि सो उग्गालो एज्जा ? उच्यते
राओ व दिवसतो वा, उग्गाले कत्थ संभवो होज्जा । गिरिजण्णसंखडीए, अट्ठाहिय तोसलीए वा ॥५८३३॥ अद्धाणे वत्थव्वा, पत्तमपत्ता य जोअण दुगे य । पत्ता य संखडिं जे, जतणमजतणाएँ ते दुविहा ॥५८३४॥
"राओ व०" ["अद्धाण."] गाहा । कण्ठ्या । ते संजया दुविहा-वत्थव्वा अद्धाणनिग्गया य । तत्थ वत्थव्वा जे तहिं चेव ठिया मासकप्पेणं जत्थ संखडीए । अद्धाणनिग्गया ते दुविधा-पत्तभूमिया अपत्तभूमिया य । जे पत्तभूमिता ते दुविधा-जयणपत्तभूमिता य अजयणपत्तभूमिया य। पत्तभूमिया नाम जेहिं तत्थ अवस्सं गंतव्वं, जत्थ संखडी तहि ठाइतव्वं । तस्स वा उवरिएणं गंतव्वं । अपत्तभूमिता नाम जहिं तत्थ न गंतव्वं । किं पुण ? संखडी सोच्चा वच्चंति । ते खेत्तंतो वा खेत्तबाहिं होज्जा । खेत्तंतो जे अद्धजोयण अद्धकोसातो एंति । जे खेत्तबाहिं तो जोयणातो वा दोहिं वा तिहिं वा चउहिं वा अहिं वा बारसहिं वा सव्वे एते अभिधारेता संखडि एंति । जे जयणपत्तभूमिया ते जयणातो सुत्तत्थाणि करिता वच्चंति । अहवा जे अहापवत्तं गई ण भिंदंति ते जयणपत्तभूमिया। अजयणपत्तभूमिया नाम जे एयाओ संखडीओ सोत्तूण सुत्तपोरुसिं अत्थपोरिसिं वा भंतूण एंति । अहवा जे अहापवत्तिं गतिं भेत्तूणं एंति संखडीए फिट्टिहामो त्ति तो तुरियं एंति । एते अजयणपत्तभूमिया । वत्थव्वा दुविहा-जयणाइंता इ अजयणएंता य । जयणायिंता जे संखडिं न पडिक्खंति, नावि संखडिपलोयणाए गच्छंति
१. सारण अ ड । २. बडुओ मलवृ । ३. उद्भूसियाणि - मलवृ । ४. इत्तियव्वो अ ड ।
| SR No. | 007788 |
| Book Title | Kappasuttam Vhas Vises Chunni Sahiyam Part 03 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 314 |
| Language | Prakrit |
| Classification | Book_Devnagari & agam_bruhatkalpa |
| File Size | 6 MB |