________________
८६४ विसेसचुण्णि
[बंभावायपगयं देवे य परिसरूवं विउव्वित्ता निग्गंथि पडिगाहेज्जा, तं च निग्गंथी साइज्जिज्जा, मेहुणपडिसेवणपत्ता आवज्जइ चाउम्मासियं अणुग्घाइयं ॥५-४॥
एसेव गमो नियमा, निग्गथीणं पि होइ नायव्वो। नवरं पुण णाणत्तं, पुव्वं इत्थी ततो पुरिसो ॥५७२१॥
"एसेव गमो०" गाहा । नाणत्तं णाम निग्गंथीसुत्ताणं जो विसेसो सुत्तगहिओ । 'पुव्वं इत्थि' त्ति देवी य पुरिसरूवं विउव्वित्ता निग्गंथिं गेण्हेज्जा पढमसुत्तं ।
विगुरुव्विऊण रूवं, आगमणं डंबरेण महयाए। जिण अज्ज साहुभत्ती, अज्जपरिच्छा वि य तहेव ॥५७२२॥
“विगुरुव्विऊण०" गाहा । एत्थ वि यं चेव वक्खाणं, निग्गमणं णिग्गयाए जाव उवणारग्रामे भिक्खवेलाए ठियाओ तत्थ सम्मद्दिट्ठी देवया पुरिसरूवं विउव्विऊण महयाडंबरेण मायाए सड्डरूवं काउं अभिगया वंदणविभासा । भणइ-कोइ तुब्भेहिं सम्मद्दिट्ठी महिला विसयपराजिया दिट्ठा, तुब्भं वा जइ अट्ठो तो भुंजामो भोए । 'जिण' त्ति अरिहंतचेइएहिं अज्जाहिं साधुहिं य भत्तिं काहामो । एवं विभासा । सेसं तहेव सव्वं वक्खाणं जहा निग्गंथसुत्ताणं ।
वीसत्थया सरिसए, सारुप्पं तेण होइ पढमं तु । पुरिसुत्तरिओ धम्मो, निग्गंथो तेण पढमं तु ॥५७२३॥
"विसत्थया०" गाहा । जं सड्डिरूवं च विउव्वइ 'पुरिसुत्तरिओ धम्मो' त्ति काउं तेण पढमं निग्गंथाणं दोणि सत्ताणि, पच्छा निग्गंथीणं । एएस इमा विराहणा -
खित्ताइ मारणं वा, धम्माओ भंसणं करे पंता।
भद्दाए पडिबंधो, पडिगमणादी व नितीए ॥५७२४॥
“खित्ताइ०" गाहा । पंता खेत्तादीणि करेज्जा । भद्दए पडिबंधादी दोसा पडिगहणादीणि वा, अनींतीए करेज्ज ।
बितियं अच्छित्तिकरो, बहुवक्खेवे गणम्मि पुच्छित्ता ।
सुत्तत्थझरणहेतुं, गीतेहिं समं स निग्गच्छे ॥५७२५॥
"बितियं०" गाहा । तेण सत्तत्था गहिया सव्वोच्छित्तिकारगो भविस्सड त्ति तत्थ य वक्खेवो गच्छे ताहे आपुच्छिऊण थेरेहिं गीतत्थेहि समं नीइ ।
[बंभावायपगयं समत्तं]
