________________
८६२ विसेसचुण्णि
[बंभावायपगयं सव्वपगारेहिं णिप्पकंपो सो सुद्धो । एतेसिं पच्छित्तगाहा ।
पढमस्स होइ मूलं, बितिए छेओ य छग्गुरुगमेव।
छल्लहुगा चउगुरुगा, पंचमए छट्ठ सुद्धो उ ॥५७१०॥ "पढमस्स होइ मूलं०" गाहा ।
सव्वेहिं पगारेहिं, छंदणमादीहिँ छटुओ सुद्धो। तस्स वि न होइ गमणं, असमत्तसुए अदिन्ने य ॥५७११॥
"सव्वेहिं पगारेहिं०" गाहा । तस्स अणणुण्णाए न वदृति गंतुं । जेहिं णाहियासियं पढमबितियतइयचउत्थपंचमेहिं देवयाहिं भद्दियाहिं भणियं-अहो से पइन्ना निव्वाहिया । तज्जिया णिग्गया णं दिट्ठा भे अवत्था । एतं मए कयं । मा भे पंता देवया छलेज्जा तो वच्चह गच्छं।
एए अण्णे य बहू, दोसा अविदिण्णनिग्गमे भणिया । मुच्चइ गणममुयंतो, तेहिं लभते गुणा चेमे ॥५७१२॥
"एते अण्णे य०" गाहा । य एते उक्ता अविदिन्नं निग्गमे दोसा । एएहिं दोसाणं मुच्चए । जो गच्छे वसते इमे य ते गुणा भवंति ।
नाणस्स होइ भागी, थिरयरओ दंसणे चरित्ते य । धन्ना गुरुकुलवासं, आवकहाए न मुंचंति ॥५७१३॥ भीतावासो रई धम्मे, अणाययणवज्जणा । निग्गहो य कसायाणं, एयं धीराण सासणं ॥५७१४॥ जइमं साहुसंसग्गि, न विमोक्खसि मोक्खसि । उज्जतो व तवे निच्चं, न होहिसि न होहिसि ॥५७१५॥ सच्छंदवत्तिया जेहिं, सग्गुणेहिं जढा जढा ।
अप्पणो ते परेसिं च, निच्चं सुविहिया हिया ॥५७१६॥
"नाणस्स होइ भागी०" ["भीतावासो रई०" "जइमं साहुसंसग्गि०" संच्छंदवत्तिया०"] गाहाओ । सिलोगा य कण्ठ्या । मोक्खसि संसारातो न होहिसि अव्वाबाधसुही । सच्छंदवत्तिया नाम सच्छंदसीलया, सच्छंदवृत्तित्वम् । सग्गुणेहिं जेहिं जहा जे संसारदुक्खेहिं जहा जे सुविहिया तेहिं छज्जीवणिकायाणं हितं कयं भवति ।
