________________
१००० विसेसचुण्णि
[कप्पट्ठिइपगयं य सेहठवणाकप्पो य । अकप्पठवणा कप्पो णाम जं अकप्पिएण आहारोवहीसेज्जाओ णो गेण्हावेंति । सेहठवणाकप्पो अट्ठारस पुरिसेसु वीसं इत्थीसु, दस नपुंसएसु । एते जो न पव्वावेइ सो सेहठवणाकप्पो । एतेसु दस दोसु य ठाणेसु जो अण्णतरं णाइयरति, जो उत्तरगणकप्पे पिंडविसोहिमादिएहिं, जो सरिसओ कप्पेण सो संभोइओ ।
सरिकप्पे सरिछंदे, तुल्लचरित्ते विसिट्ठतरए वा । साहूहिं संथवं कुज्जा, णाणीहिँ चरित्तगुत्तेहिं ॥६४४५॥ सरिकप्पे सरिछंदे, तुल्लचरित्ते विसिट्ठतरए वा ।
आदिज्ज भत्तपाणं, सतेण लाभेण वा तुस्से ॥६४४६॥
"सरिकप्पे०" ["सरिकप्पे०"] गाहा । जे सरिकप्पे सरिच्छंदे तुल्लचरित्ते विसिट्ठतरए वा, तेसिं भत्तपाणं आतिएज्जा । अथवा सएण लाभेण तुसे ज्ज । सामाइयछेदोवट्ठावणिया भणिया।
इदाणि णिव्विसमाणा णिव्विट्ठा यपरिहारकप्पं पवक्खामि, परिहरंति जहा विऊ ।
आदी मज्झऽवसाणे य, आणुपुव्वि जहक्कम ॥६४४७॥
"परिहार०" सिलोगो । तं पुण आदी मज्झे अवसाणे । 'आदि' त्ति । जं पडिवज्जंति तप्पढमयाए जह एस विही-मज्झे। सपडिवण्णाणं जा विही । 'अवसाणे' त्ति सम्मत्ते संते। कयरम्मि तित्थे? उच्यते
भरहेरवएसु वासेसु, जता तित्थगरा भवे ।
पुरिमा पच्छिमा चेव, कप्पं देसेंति ते इमं ॥६४४८॥
"भरहं'०' सिलोगो । अर्थादापन्नं मज्झिमाणं तित्थगराणं नत्थि परिहारकप्पट्टिई महाविदेहे य ।
केवइयं कालसंजोगं, गच्छो उ अणुसज्जती । तित्थयरेसु पुरिमेसु, तहा पच्छिमएसु य ॥६४४९॥
"केवइयं०" सिलोगो । सो पुण परिहारकप्पो केवइयं कालसंजोगो गच्छस्स तित्थगरसगासे पडिवण्णस्स सगासे वा तेण परं न कप्पइ ।
१. भरहे मुच ।
