________________
९८८
11
विसेसचुणि
[ कप्पट्ठिइप यं
"चतुट्ठाण० गाहा ।
चउहिँ ठिता छहिँ अठिता, पढमा बितिया ठिता दसविहम्मि । वहमाणा णिव्विसगा, जेहि वहं ते उ णिव्विट्ठा ॥६३६०॥
" चउहिँ ठिता० " गाहा । पढमा सामायियसंजया सूत्रक्रमप्रामाण्यात् । ते चउहिं ठिया, छहिं अठिया । बितिया छेदोवट्ठावणिया । ते दसविहे कप्पे ट्ठिआ। जे वहंति ते णिव्विसमाणगा । जेहिं वूढं ते निव्विट्ठा । तत्थ चउहिं ठाणेहिं जे ठिया सामाइयसंजता ते इमेसिज्जायर पिंडे या, चाउज्जामे य पुरिसजेट्टे य ।
कितिकम्मस्स य करणे, चत्तारि अवट्ठिया कप्पा ॥६३६१ ॥
"सिज्जायर० " गाहा । एवं चउव्विहं कप्पं णाइयरंति । सेज्जायरपिंडं परिहरति । चाउज्जामो धम्मो पुरिसजेट्ठो धम्मो । कितिकम्मं अहारायिणियाए करेंति । इमेहिं अणवट्टिया ।
आचेलकुद्देसिय, सपडिक्कमणे य रायपिंडे य ।
मासं पज्जोसवणा, छप्पेतऽणवट्ठिता कप्पा ॥६३६२॥
“आचेलक्कुद्देसिय०” गाहा । ते सचेला वा अचेला वा । जइ रागो उप्पज्जति तो अचेला, अह [न] उप्पज्जइ सचेला । एवं महद्धणे अप्पधणे वा अह न उप्पज्जइ तो सचेला । महद्धणं पि गेण्हंति । उद्देसियं तस्स कयं न वट्टइ अन्नस्स कयं वट्टइ । जइ अइयारो अत्थि पडिक्कमंति, निरइयारो न पडिक्कमति । रायपिंडे जइ दोसो अत्थि तो परिहरंति, अह नत्थि तो न परिहरति । उडुबद्धे एगखेत्ते जइ दोसा नत्थि तो पुव्वकोडि पि अच्छंति । अह दोसा अथ तो अपुणे विणिगच्छंति । 'पज्जोसवण' त्ति जइ वासारत्ते दोसा अत्थि न विहरंति । अह नत्थि वासारत्ते वि विहरंति । एसो चेव दसविधो इमेसिं नियमेणं अवट्ठितो भवइ ।
दसठाणठिओ कप्पो, पुरिमस्स य पच्छिमस्स य जिणस्स । एसो धुतरत कप्पो, दसठाणपतिट्ठितो होति ॥६३६३॥
आचेलक्कुद्देसिय, सिज्जायर रायपिंड कितिकम्मे ।
वत जेट्ठ पडिक्कमणे, मासं पज्जोसवणकप्पे ॥६३६४॥
" दसठाण ठिओ कप्पो० " [ "आचेलक्कुद्देसिय० " ] गाहाद्वयम् । तत्थ अचेल ि दारं । अस्य व्याख्या
