________________
[ खित्तचित्ताइपगयं ]
[सुत्तं] खित्तचित्तं निग्गंथिं निग्गंथे गिण्हमाणे वा अवलंबमाणे वा
नाइक्कम ॥६- १०॥
" खित्तचित्तं ० " सुत्त उच्चारेयव्वं । सम्बन्धः
ओवुज्झती व भया, संफासा रागतो व खिप्पेज्जा । संबंधत्थविहिण्णू, वदंति संबंधमेयं
॥६१९४॥
“ओवुज्झंती०” गाहा । कण्ठ्या ।
रागेण वा भएण व अहवा अवमाणिया णरिंदेण ।
एतेहिं खित्तचित्ता, वणिताति परूविता लोए ॥६१९५ ॥
"रागेण वा० " गाहा । वाणिगिणी भत्तारं मययं सोउं खित्तचित्ता जाया एयं रागेणं । लोइयं भए
भयओ सोमिलबडुओ, सहसोत्थरिया य संजुगादी । णरवतिणा व पतीण व विमाणिता लोगिगी खेत्ता ॥ ६१९६॥
" भयओ सोमिल० " गाहा । सोमिलबडुओ गयसुकुमालमारगो कण्हस्स भए । " सहसोत्थरिया व संजुगादीसु" त्ति । संग्रामे सहस्सा चेव उत्थरिया मणूसा खित्ता जाया । अहवा रण्णा काई विमाणिया खित्ता जाया पइणा वा काइ महिला । एते लोइया । इमे लोउत्तरिया
रागम्मि रायखुड्डी, जड्डाति तिरिक्ख चरिय वातम्मि । रागेण जहा खेत्ता, तमहं वोच्छं समासेणं ॥ ६१९७॥ " रागम्मि० " दारगाहा । 'रागम्मि रायखुड्ड' त्ति अस्य व्याख्याजियसत्तू य णरवती, पव्वज्जा सिक्खणा विदेसम्म । काऊण पोतणम्मि, सव्वायं णिव्वुतो भगवं ॥६१९८॥ एक्का य तस्स भगिणी, रज्जसिरिं पयहिऊण पव्वइया । भातुय अणुराणं, खेत्ता जाता इमा तु विही ॥ ६९९९ ॥
