________________
१६
न्यायाचार्य - न्यायविशारद महोपाध्याय श्रीमद्यशोविजयगणिवरैः स्वकृतगुरुतत्त्वविनिश्चयग्रन्थमध्ये महान्तः पञ्चमहाव्रतधारिणो गुरुवरा दीपकसमाना दर्श्यन्ते । तथाहि
दीपगुणाः सूचिगुणाश्च गुरुवराः
जह दीवो अप्पार्ण, परं च दीवेइ वित्तिगुणजोगा । तह रयणत्तयजोगा, गुरु वि मोहंधयारहरो ।।
श्लोकार्थोऽयम् - यथा दीपकः स्वयं ज्योतिषा राजते अन्यश्च दीपकशतान् दीप्तिगुणयोगाज्ज्योतिर्दानं कृत्वा प्रकाशयति तथा जिनशासनस्य महान्तो गुरुवरा अपि 'दर्शन-ज्ञान-चारित्र' इति रत्नत्रयीणामुपासनया स्वयं प्रकाशन्ते अन्येषाञ्च नैकेषां सत्त्वानां मोहतिमिरं रत्नत्रययोगादपहृत्य तेषां जीवनमपि प्रकाशमानं कुर्वन्ति । गुरूणामेतद् वैशिष्ट्यम् ।
अन्यस्मिन् स्थले तु ३६ गुणालङ्कृतानां तृतीयपदारूढाणां गुणनिधीनां महात्मनां 'दीवसमा आयरिया' इति विशिष्ट विशेषणं प्रदत्तम् । यतः सूरिवराः स्वयं सद्गुणधर्माराधनादिकैर्भ्राजन्ते अन्यांश्चानेकजीवानपि सद्गुणधर्माराधनादिसम्पद्भिर्भासयन्ते । इदं विशेषणं पूज्ययुगदिवाकरगुरुवरजीवने यथाश्रुतमन्वर्थमासीत् । यतस्तत्रभवद्भिः स्वकीयं जीवन तु रत्नत्रय्यास्तेजसा भ्राजमानं कृतमेव। आधिक्ये चाऽन्येषां नैकेषां जीवानां जीवनमपि राजमानं कृतम्, कदाचित् प्रव्रज्याप्रदानेन कदाचित् प्रवचनदानावलम्बेन कदाचिज्जिनालयादीनामालम्बनेन, कदाचित्
नमामि नित्वं गुरुधर्मसूरिन्