________________
34
EXTRACTS FROM MANUSCRIPTS एगंतवायविलसिरपरवाइकुरंगसिंहाण । तेसिं सीसो जिणिचंदरिनामो समुप्पन्न । संवेगरंगसाला न केवलं कव्वविरयणा जेण । भव्वजणविन्हयकरी विहिया संजमपवित्ती वि ॥ . ससमयपरसमयण्णू विसुद्धसिद्धंतदेसणाभिरउ । सयलमहिवलयवित्तो अन्नोभयदेवसूरित्ति ।। जेणालंकारचरा सलक्खणा वरपया पसन्ना य । सिद्धंतवित्तिरयणेण भारई कामिणि व्व कया ॥ तेसि अस्थि विणेउ समत्थसत्थत्थबोहकुशलमइ । सूरी पसन्नचंदो चंदो इव जणमणानंदो ॥ . तव्वयणेणं सिरिसुमइवायगाणं विणेयलेसेण । गणिणा गुणचंदेणं रइयं सिरिवीरचरियमिमं ॥ एयस्स वियरणाम निव्वंधो जेसि गाढमुप्पण्णो। ते पुण - - लाउ व्विय साहिज्जेते निसामेह ॥ सियजसजाण्हाधवलियनायलकुलनहयलो मयंको व्व । पुव्बमहेसु महेसी पणउ सिरिजीवदेवपत् ॥ तस्स सिस्सो सिद्धंतसिद्धसुविसिटुसंजमाभिरउ । गुणरयणरोहणगिरी पयडो जिणदत्तसूरित्ति । गभीरिमाए पसमेण बुद्धिविभवेण दक्खिणत्तेण । सुंदरनएण जेसिं न कोवि तुल्लो जए जाउ ।। तेस्तिो पडिबुद्धो वायडकुलभवणजयपडो निट्रो । कप्पडवाणिजपुरे सेट्री गोवद्धणो आसि ॥ नंदीसरावलोयणमणेण भव्वाण दंसणथं व । कारावियं सुतुंगं वावन्नजिणालयं जेणा ||
