________________
૮૪
અર્થ :- દેવતાઓના મંદિર શૂન્યાગાર દેખાય છે આજે પહેલા જેવા શોભાયમાન હતા તેવા દેખાતા નથી પ્રતિમાઓ પૂજા રહિત થઈ રહી છે. તેની ઉપર ધૂપ-દીપ-પુષ્પાદિ ચઢેલા દેખાતા નથી યજ્ઞોના સ્થાન પણ યજ્ઞકાર્યથી રહિત છે આ બધા કાર્યોથી સ્પષ્ટ થાય છે કે મૂર્તિપૂજા સનાતન છે. ત્રેતા અને દ્વાપરયુગ સુધીનો જે ઇતિહાસ મળે છે. તેથી સ્પષ્ટ વાત પ્રગટ થાય છે કે અહીયાં મોટા મોટા દેવમંદિર હતા, જેમાં નિત્ય પૂજા થતી હતી વિદ્વાન્ પૂજા કરતા હતા. હે મહાશય ! હવે તમો થોડો વિચાર કરો કે જ્યારે તમારા પૂર્વજો પ્રતિમાનું પૂજન કરીને પ્રત્યક્ષ ફળ પ્રાપ્ત કરી ગયા છે જો તમો પણ મૂર્તિનું પૂજન કરશો તો તમારી અભિલાષા અવશ્ય ચોક્કસ પૂર્ણ તો થશે જ અને સંદેહ વિનાનું સુખ પ્રાપ્ત થશે.
આર્ય :- હે શ્રીમાન્ ! મૂર્તિને તો આ પ્રકારે માની લો કે આનાથી ઈશ્વરના સ્વરૂપનું જ્ઞાન થાય છે અને આ સમજીને પરમાત્માની મૂર્તિનું સન્માન પણ કર્યું અને મસ્તક પણ ઝુકાવ્યું પરંતુ તેની ઉપર ફળ – ફુલ - કેસર - ચંદન - ધૂપ દીપ - ચોખા અને મિઠાઈ ઇત્યાદિ ચઢાવવાથી તમને શું લાભ છે ?
મંત્રી :- હે મહાશયજી ! વસ્તુ વિના ભાવ આવી શકતો નથી, આથી જ પરમાત્માની મૂર્તિ પર ઉપર બતાવેલ વસ્તુઓને ચઢાવવી આવશ્યક છે અને ઉપર લખેલ વસ્તુ ચઢાવતી વખતે નીચે લખેલ ભાવના ભાવે છે.
