________________
૧૩૪ જવલાથી પૂજવાની કથા પણ કહે છે આ હિસાબથી તો શ્રેણિકને સ્વર્ગપ્રાપ્તિ થવી જ જોઈએ, જ્યારે કે સામાન્ય ચોખાથી પૂજવાવાળો પણ સ્વર્ગમાં જાય છે તો પછી સ્વર્ણ જવલાથી પૂજવાવાળો દેવલોકમાં જાય એમાં શુ આશ્ચર્ય ? પરંતુ અમારા પ્રિય પાઠક જો આગમોનું અવલોકન કરશે અથવા આ મૂર્તિપૂજક બંધુઓના માન્યતાવાળા ગ્રંથોને દેખશો તો તમે શ્રેણિકને નરકમાં જવાવાળો દેખશો. આનાથી તો આવી કથાનકની કલ્પિતતા સિદ્ધ થાય છે. હે પાઠકો ખ્યાલરાખો ! મૂર્તિપૂજા કરવાવાળો બારમો દેવલોક પ્રાપ્ત કરે આવું અમારું કોઈ સિદ્ધાંત વાક્ય છે નહીં, હા ! જિનમંદિરોથી મંડિત પૃથ્વી કરવાવાળો શ્રાવક બારમા દેવલોકમાં જઈ શકે છે. આનું નામ જિનપૂજા લખાય તો તેમાં કોઈ બાધ નથી, એવું અમો માનીએ છીએ, આ મધ્યમ ફળ છે. ઉત્કૃષ્ટફળમાં તો નાગકેતુ જિનેશ્વરપ્રભુ પૂજા કરતા એવા કેવલજ્ઞાન પામીને મોક્ષમાં પણ ગયેલા છે કયો એવો પદાર્થ છે કે જેને ભગવાનની સેવા ન આપી શકાય. હવે આ પ્રશ્ન રહ્યો કે સોનાના જવલાથી પૂજા કરવાવાળો શ્રેણિક નરકમાં કેમ ગયો ? રતનલાલજીને થોડી પણ જૈનસિદ્ધાંતની ખબર હોતી તો આ પ્રમાણે કીંમત વગરનું કથન નહીં કરતા, કારણકે શ્રેણિકને જૈન ધર્મની પ્રાપ્તિ પહેલા જ નરકનું આયુષ્ય બંધાઈ ગયેલ હતું. જૈનોનો કર્મસિદ્ધાંત આ વાતને કબૂલ કરે છે કે કોઈપણ ગતિનું
