________________
લોંકાશાહ મતના સમર્થનનું પરલોચન !
સત્યતાનો આદર્શ, ચારિત્રમાર્ગ પ્રદર્શક, દયાસાગર જૈન ધર્મનો સિદ્ધાંત, જિનેશ્વર પ્રભુના પ્રતિબિંબને અને તેઓના સ્તવન-પૂજનને મોટા આદર સાથે માનતા આવ્યા છે અને માની રહ્યા છે જૈનોની પ્રાચીનતાની સિદ્ધિ પણ આની ઉપર જ નભેલી છે. સેંકડો વર્ષોની પ્રાચીન પ્રતિમાઓ આ સાચા સિદ્ધાંતની સાબિતિ છે.
કાલચક્રના ઊંડા ખાડામાંથી અનેક...અનેક ભૂત ઉત્પન્ન થતા હોય છે અને માનવજીવનની માનવ પ્રકૃતિમાં કુધર્મનો પ્રચાર કરી દાનવતાની વૃદ્ધિ કરે છે. આ નિયમ મુજબ ચાલતા એવા મૂર્તિ પૂજનના સિદ્ધાંતને ઉડાડવાવાળા લોંકાશાહ નામના એક લેખ લખનારા સોળમી સદીમાં ઉત્પન્ન થયા જેનું કારણ એનો લખવાનો ધંધો બંધ થયો હોવો જોઈએ એવું મનાય છે તે જે શ્વેતાંબર મૂર્તિપૂજક સાધુઓના જ્ઞાનભંડારમાં લખવાનું કામ કરતો હતો. તે અધૂરા ગ્રંથો લખી દેતો અને પૂરા પૈસા લેતો હતો આ ઢંઢક લોકોના આદિ પુરૂષની અનીતિ હતી. કોઈકવાર પાઠ દેખવા માટે જ્ઞાનભંડારોમાંથી લોકાશાહે લખેલ પુસ્તકો કાઢ્યા ત્યારે વચમાંથી અધૂરો ગ્રંથ મલ્યો. તે દિવસથી તેને રજા આપી
