________________
श्री चैत्यवंदनचतुर्विंशतिः
[३३] अशेषजन्तुरक्षणे कृतादरो मुनीश्वरैः।
जिनेशकर्मकार्यभूदिति श्रयाम्यहं मुदा ॥४॥ निमजतां भवाम्बुधौ जिनोन्तरीपवन्मतः। विपाकतः सुकर्मणां स्मराम्यहं हृदा ततः ॥५॥
(३४) श्रीवर्धमानजिनचैत्यवन्दनम्
( प्रहर्षिणी छन्दैः) तीर्थेशं रिपुविजयोन्नतं महान्तं
विश्वेशं जनततिपालने समर्थम् । दुःखाब्धावुडुपनिभं प्रशान्तमूर्ति
नित्यस्थं प्रणमत वर्धमानबिम्बम् ॥१॥ ऊर्ध्वस्थं नरभुवनेऽपि राजमानं
पाताले सुरनिकरैः सदाच॑मानम् । ३४ " म्नौ नौ गस्त्रि दशयतिः प्रहर्षिणीऽयम्" इति लक्षणम् । यत्र म-न-ज-रगणास्ततो गुरुश्चेत् विभिर्दशभिश्चयतिः स्यात् तहि प्रहर्षिणीत्युच्यते । श्लोकेऽस्मिन् त्रयोदशाक्षरपरिमितभारणमवसेयम् ।
लक्षणानि मयाऽलेखि छन्दसां ज्ञानहेतवे । सूरीशैः कृतकाव्यानां बालविक्रमभिक्षुणा ॥
