________________
ક્ષણિકનો બોધ અને નિત્યનો અનુભવ
66
ભગવાનને કોઇ કર્મબંધન થતું નથી.
અન્ય અપેક્ષાએ વિચાર કરવામાં આવે તો જેમ કોઇ જુવાન છોકરી ટૂંકા કપડાં પહેરીને રસ્તા પર નીકળે અને તે છોકરીને ટૂંકા કપડાંમાં દેખીને કોઇ પુરૂષને વિકાર ઉત્પન્ન થાય, તો તે છોકરીને નિયમથી કર્મબંધન થાય છે. માત્ર એટલું જ નહીં, તે છોકરીને તો ટૂંકા કપડાં પહેર્યા પહેલા જ ટૂંકા કપડાં પહેરવાના ભાવથી જ કર્મબંધન થઇ જાય છે, જ્યારે તે એવો ભાવ કરે છે કે આજે મને આ કપડાંમાં બધા લોકો દેખશે અને મારા તરફ આકર્ષિત થશે. કર્મબંધનનું મૂળકારણ જીવનો અભિપ્રાય એટલે ઇરાદો છે. ગ્રહસ્થનો વ્યવહાર છે કે તે પોતાના શરીરને સંપૂર્ણ રીતે ઢાંકીને જ રાખે.
આ કાળમાં ગ્રહસ્થ અને દ્રવ્યલિંગી સાધુ બન્ને પ્રકારના જીવોને આત્મજ્ઞાનની પ્રાપ્તિ અત્યંત દુર્લભ થઇ ગઇ છે. તેનું મૂળ કારણ એ છે કે તે બન્ને પ્રકારના જીવો પોત-પોતાની ભૂમિકા અનુસાર વર્તતા નથી. સાધુના વ્યવહારને ગ્રહસ્થે આદર્શ માન્યો અને ગ્રહસ્થના વ્યવહારને સાધુએ.
નગ્નતા એ સાધુનો વ્યવહાર છે તથા શરીરને વસ્ત્રથી પૂર્ણરૂપે ઢાંકીને રાખવું એ ગ્રહસ્થનો વ્યવહાર છે, પરંતુ આજે એવો યુગ આવી ગયો કે ગ્રહસ્થ પણ ફેશનના નામે નગ્ન થઇને રસ્તા પર ફરવા લાગ્યા, આજની સ્થિતિ દેખતા એમ લાગે છે કે હવે એ દિવસ પણ એટલા દૂર નથી કે ગ્રહસ્થ પણ સાધુની જેમ સંપૂર્ણ નિર્વસ્ત્ર રસ્તા પર હરતા-ફરતા હોય. એટલું જ નહીં, ઉભા-ઉભા તથા કરપાત્ર આહાર લેવો તે સાધુનો વ્યવહાર છે તથા એક સ્થાને બેસીને તથા પાત્રમાં લઇને આહાર લેવો તે ગ્રહસ્થનો વ્યવહાર છે. પરંતુ આજના આધુનિક યુગમાં ગ્રહસ્થોએ પણ ઉભા રહીને જમવાનું શરૂ કર્યું. સામુહિક બુફે ભોજન શરૂ થયા. આમ, ગ્રહસ્થ પોતાની ભૂમિકાનુસાર વ્યવહાર ન પાળીને સાધુની ભૂમિકાનુરૂપ વ્યવહાર પાળવા લાગ્યા તેથી આત્મજ્ઞાનની પ્રાપ્તિથી વંચિત રહી ગયા.
