________________
પૂ.કાનજીસ્વામી અને ફુલચંદભાઈનું જન્મસ્થાન ઉમરાળા છે. હાલમાં ફુલચંદભાઈએ ઉમરાળામાં આધ્યાત્મિક સાધના કેન્દ્રની સ્થાપના કરી છે. આ કળિયુગમાં જ્ઞાન ગંગાનો ધોધ વહેડાવવાની તેમની ભાવના ખૂબ જ અનુમોદનીય છે. જે સાધક જીવોને મુનિધર્મને યોગ્ય શુદ્ધ પરિણામ થયા નથી, પરંતુ આત્મસાધના કરવાની અત્યંત જિજ્ઞાસા છે, તેવા સાધકો માટે આ સાધનાભૂમિની સ્થાપના થઈ છે. આધ્યાત્મિક સાધના કેન્દ્રમાં હાલ લગભગ ૫૦૦ જેનેતર લોકો જેને તત્ત્વજ્ઞાન પ્રાપ્ત કરે છે, આત્મસાધના કરે છે, તે જાણીને ખૂબ જ આનંદ થાય છે. દર અઠવાડિયે ત્રણ દિવસ માટે કુલચંદભાઈ મુંબઈથી ઉમરાળા જઈને જ્ઞાનપ્રચારની જે મહેનત કરી રહ્યા છે તે પણ ખૂબ જ પ્રસંશનીય છે.
“ણિકનો બોધ અને નિત્યનો અનુભવ” નામના આ પુસ્તકમાં શ્રી કુલચંદભાઈએ તેમને થયેલા ક્ષણિકનો બોધને, પોતાના અંતર્ભાવને લેખન દ્વારા વ્યક્ત કર્યા છે. વૈરાગ્યને પ્રગટ કરી શકાતો નથી, પણ વૈરાગ્ય સહજ પ્રગટ થાય છે. આ પુસ્તકમાં જગતનું ક્ષણિકપણું તથા આત્માનું નિત્યપણું સમજીને ક્ષણિક જગતથી દ્રષ્ટિ હટીને નિત્ય આત્મા તરફ કેવી રીતે કેન્દ્રિત થાય, તેની કળા બતાવવામાં આવી છે. આ પુસ્તકમાં ત્યાગ અને વૈરાગ્યની મહિમા, પુણ્યનો સદુપયોગ, નિત્ય-અનિત્યનો સમન્વય, આત્મધ્યાન, વ્યવહાર અને કર્મોદય, આત્માનુભૂતિનું સ્વરૂપ, મુનિદીક્ષા, કેવળજ્ઞાનનું સ્વરૂપ, સિદ્ધ ભગવાનનું સુખ વગેરે વિષયોને સરળભાષામાં સ્પષ્ટ સમજાવીને સંસારથી મુકિત સુધીનો માર્ગ સમજાવ્યો છે.
આ પુસ્તકનો અભ્યાસ કરીને દરેક જીવને ક્ષણિકનો બોધ થવો જોઈએ, પણ ક્ષણિકનો બોધ ક્ષણિક જ ન ટકવો જોઈએ. ક્ષણિકના લક્ષ્ય ક્ષણિકનો બોધ તથા નિત્યના લક્ષ્ય ક્ષણિકનો બોધ વચ્ચે ઘણું અંતર છે. તેનું વિશેષ વર્ણન પણ આ પુસ્તકમાં કરવામાં આવ્યું છે. દરેક સાધક્ષ્મ જીવો આ પુસ્તકને વાંચીને, સમજીને, જીવનમાં અપનાવે એવી મંગળ ભાવના ભાવું છું.
- દિનેશ એમ. કોઠારી
મુંબઈ
