________________
છે
છે
[ ૩૭ ] તું અનાદિથી દુઃખને ખાટલે પડ્યો છો છતાં થાક્યો નથી? હવે એકવાર તો જાગ! દર્શન-જ્ઞાન-ચારિત્ર એ આત્માના પરિણામ છે, પણ રાગાદિ આત્માના પરિણામ નથી. તેણે શ્રદ્ધા ને જ્ઞાનની પાટી એવી ચોખ્ખી કરવી જોઈએ કે જેથી તેમાં એકલો આત્મા જ તરવરે. તું તને જાણ અને માન-આ પાકું કરવું જોઈએ. સના શરણે આખી દુનિયા કુરબાન છે. લોકોના માન-સન્માનઆબરું-કુરબાન છે. દુનિયા અતડો કહે, દુષ્ટ કહે, તોપણ પાલવશે. (ચાલશે), પણ સનું શરણું છોડવું પાલવશે નહીં. વિકલ્પની આંખ બંધ કરીને ધ્યાન કરતાં નિર્વિકલ્પ આંખ ઉઘડે છે. સર્વશે જાણ્યું છે માટે ક્રમબદ્ધ છે એમ નહીં, પણ પર્યાયનો જ એવો સ્વભાવ છે કે ક્રમબદ્ધ થાય અને ગુણ પણ એવો છે. તો ક્રમબદ્ધનો - નિર્ણય તેના ગુણનો નિર્ણય કરતાં થાય છે. પણ ગુણનો નિર્ણય ગુણભેદના આશ્રયે ન થાય, પરંતુ દ્રવ્યના આશ્રયે થાય. માટે દ્રવ્યનો આશ્રય કરતાં ગુણનો નિર્ણય થાય છે ને ગુણનો નિર્ણય થતાં તેનો સ્વભાવ ક્રમે થવું ને અક્રમે રહેવું તેનો નિર્ણય થાય છે. માટે તેમાં પુરુષાર્થ આવે છે. ભગવાન દિવ્ય છે, તેમનું સુખ દિવ્ય છે, તેમનું જ્ઞાન દિવ્ય છે, તેમની શક્તિ દિવ્ય છે, તેમની સિદ્ધિ દિવ્ય છે; તો પછી તેમની ધ્વનિ દિવ્ય કેમ ન હોય? જેમ ચળકાટ મારતો સ્વચ્છ અરીસો હાથમાં હોવા છતાં મૂર્ખ પોતાનું પ્રતિબિંબ જોવા બીજે જાય છે, તેમ અજ્ઞાની દેહદેવળમાં આત્મદેવ બિરાજમાન હોવા છતાં બહાર ગોતવા જાય છે. - પોતાના સ્વભાવમાં વિદ્યમાન ભંડારને જોતો નથી ને બહાર ભીખ માગે છે તે મૂર્ખ નથી તો કોણ છે?
