Page Text
________________
1481
ECONOMICS OF MAHAVIRA
४. दुपयचउप्पयपमाणातिक्कमे ५. कुवियपमाणातिक्कमे । • तयाणंतरं च णं दिसिवसस्प समणोवासएणं पंच अतियारा जाणियव्वा, न समायरियव्वा, तं जहा
उड्डदिसिपमाणातिक्कमे २. अहोदिसिपमाणातिक्कमे ३. तिरियदिसिपमाणातिक्कमे ४. खेत्तवुड्डी ५.. सतिअंतरद्धा।
कम्मओ णं समणोवासएणं पण्णरस कम्मादाणाइं जाणियब्वाइं, न समायरि यव्वाइं, तं जहा-१. इंगालकम्मे २. वणकम्मे ३. साडीकम्मे ४. भाडीकम्मे ५. फोडीकम्मे ६. दंतवाणिज्जे ७. लक्खवाणिज्जे ८. रसवाणिज्जे ९. विसवाणिज्जे १०. केसवाणिज्जे, ११. जंतपीलणकम्मे १२. निल्लंछणकम्मे १३. दवग्गिदावणया १४. सरदहतलागपरिसोसणया १५. असतीजणपोसणया ।'
इह खलु पाईणं वा पडीणं वा उदीणं वा दाहितां संतेगइया मणुस्सा भवंति, तं जहा-महिच्छा महारंभा महापरिग्गहा अधम्मिया अधम्मणुया अधम्मिट्ठा अधम्मक्खाई अधम्मपायजीविणो अधम्मपलज्जणा अधम्मसीलसमुदाचारा अधम्मेण चेव वितिं कप्पेमाणा विहरंति, हण छिंद भिंद विगत्तगा लोहियपाणी चंडा रुद्या साहस्सिया उक्कंचण-वंचग-मायाणियडिकूड-कवडसाइ-संपओगबहुला दुस्सीला दुव्वया दुप्पडियाणंदा असाहू सव्वाओ पाणाइवायाओ अप्पडिविरया जावज्जीवाए, सव्वाओ मुसावायाओ अप्पडिविरया जावज्जीवाए, सव्वाओ अदिण्णादाणाओ अप्पडिविरया जावज्जीवाए, सव्वाओ मेहुणाओ अप्पडिविरया जावज्जीवाए, सव्वाओ
परिग्गहाओ अप्पडिविरया जावज्जीवाए। इह खलु पाईणं वा पडीणं वा उदीणं वा जाहिमं वा संतेगइया मणुस्सा भवंति, तं जहा-अणारंभा अपरिग्गहा धम्मिया धम्माणुगा धम्मिट्ठा धम्मक्खाई धम्मप्पलोई धम्मपलज्जणा धम्मसमुदायारा धम्मेणं चेव वितिं कप्पेमाणा विहरंति, सुसीला सुव्वया सुप्पडियाणंदा सुसाहू सव्वाओ पाणाइवायाओ पडिविरया जावज्जीवाए, सव्वाओ
१. उवासगदसाओ १ / २४, २९-३०, ३२, ३४, ३६, ३८
Jain Education International
For Personal & Private Use Only
www.jainelibrary.org
| SR No. | 006926 |
| Book Title | Economics of Mahaveera |
| Original Sutra Author | N/A |
| Author | Mahapragna Acharya |
| Publisher | Adarsh Sahitya Sangh |
| Publication Year | 2008 |
| Total Pages | 176 |
| Language | English |
| Classification | Book_English |
| File Size | 14 MB |