________________
पाणयहो।
७ पाणवहो पंचविही पण्णत्तो जिणेहि इह अण्हो अणादीको। हिंसा मोसमदत्तं अब्बंभपरिग्गहं चेव ॥१॥
पाणवहो नाम एस पावो चंडो सट्टो खुट्टो अणारिओ जिणेहिं पढमं अहम्मदारं त्ति भणियो । तस्स य इमाणि नामाणि गोणाणिं होंति तीसं, तं जहा, पाणवहो १ उम्मलणा सरीराओ २ अवीसंभो ३ हिंसविहिंसा ४ अकिच्चं ५ घायणा ६ मच्चू १३ अस. जमो १४ गुणाणं विराहण ३० त्ति । एवमाईणि नामधेज्जाणि होति तीसं ॥१॥
तं पुण करेंति केइ पावा असंजया अविरया परदुक्खुप्पायणपसत्ता बहुप्पगारेहिं तसथावरेहिं जीवहिं पडिणिविट्ठा ॥
एवं पावरूई पाणवहं करेंति । ते पाणवहरूवकहासु अभिरमंता पावं करिउं तुट्ठा होति । तस्स य पावस्स बहुप्पगारं फलविवागं अयाणमाणा बढ्डैति महब्भयं अविस्सामवेयणं दोहकाल बहुदुक्खसंकडं नरय तिरिक्ख-जोणिं ॥२॥
इओ आउक्खए चुया उववज्जति नरएसु महलएसु बीभच्छदरिसणिज्जेसु । तत्थ य अंतोमुहुत्तं निव्वतैति ते सरीरं हुंडं बोहणगं अटि-शहारु-णह-रोम वज्जियं । ततो य पज्जत्तिमुवागया इंदिरहिं पंचहिं वेएंति गाढदुक्खं महब्भयं अणेगविहं ॥ किं तं ? कंदु-महाकुंभि-पयण-पउलणं तवगतलणं भट्ठभज्जणं लोह कडाह कढणं फालणं विदालणं लट्ठिसयता. लणं सूलग्गभेयणमेवमाइं ॥३॥
Jain Education International
For Private & Personal Use Only
www.jainelibrary.org
