________________
271
विण्णाणातोऽणण्णो विण्णाणघणो त्ति सव्वसो वाऽवि । स भवति भूतेहितो घडविण्णाणादिभावेणं ॥ १५९३ ॥ ताई चिय भूताई सोऽणुविणस्सइ विणस्समाणाई । अत्थंतरोवयोगे कमसो विष्णेयभावेणं ॥ १५९४ ॥ पुव्वावरविण्णाणोवयोगतो विगमसंभवसभावो । विण्णाणसंततीए विण्णाणघणोऽयमविणासी ॥ १५९५ ॥ ण य णाणसण्णाऽवतिद्वते संपतोवयोगातो। विण्णाणघणाभिक्खो जीवोऽयं वेदपत विहितो ॥ १५९६ ॥ एवं पि भूतधम्मो णाणं तब्भावभावतो बुद्धी । तण्णो तदभावम्मि वि जं गाणं वेतसमयम्मि ॥ १५९७ ॥ अत्थमिते आतिच्चे चन्दे संतासु अग्गिवायासु । किंजोतिरयं पुरिसो? अप्पज्जोति त्ति णिद्दिवो ॥ १५९८ ॥ तदभावे भावातो भावे चाऽभावओ ण तद्धम्मो।। जध घडभावाभावे विवज्जयातो पडो भिन्नो ॥ १५९९ ॥ एसि वेतपदाणं ण तमत्थं वियसि अधव सव्वेसि । अत्थो किं होज्ज सुती विण्णाणं वत्थुभेतो वा ॥ १६०० ॥ जाती दव्वं किरिया गुणोऽधवा संसओ स' चायुत्तो ॥ अयमेवेति ण वऽयं ण वत्थुधम्मो जतो जुत्तो॥ १६०१॥ सव्वं चिय सव्वमयं सपरपज्जायतो जतो णियतं । सव्वमसव्वमयं 5 पि य विचित्तरूवं विवक्खातो ॥ १६०२ ॥ सामण्णविसेसमयो तेण पतत्थो विवक्खया जुत्तो। वत्थुस्स विस्सरूवो पज्जायावेक्खता सव्वो ॥ १६०३ ॥ x* छिण्णम्मि संसयम्मी जिणेण जरमरणविप्पमुक्केण । सो समणो पव्वइतो पंचहि सह खंडियसएहिं ॥ १६०४ ॥ एवं कम्मादीसु वि जं सामण्णं तयं समायोज्जं । जो पुण एत्थ विसेसो समासतो तं पवक्खामि ॥ १६०५ ॥
___1सव्वओ वावि-मु०। वेयपयभिहिओ-मु०, को० । ३ वाभा०-ता। 4 संसओ तवाजुत्तो-मु., को० । चिय-ता० । x The gathas marked * belong to the Niryukti.
Jain Education International
For Private & Personal Use Only
www.jainelibrary.org
