________________
अनगारधर्मामृतचर्षिणी टीका श्रु० २ १०१ अ० १ कालीदेवीवर्णनम् ७७५ कालियंदारियं सीयाओ पच्चोरुहइ तएणं तं कालियंदारियं अम्मापियरो पुरओ काउं जेणेव पासे अरहा पुरिसा० तेणेव उवागच्छइ उयागच्छित्ता बंदइ नमसइ वंदित्ता नमंसित्ता एवं बयातीएवं खलु देवाणुप्पिया ! काली दारिया अम्हं धूया इट्टा कंता जाय किमंग पुण पासणयाए ?, एसणं देवाणुप्पिया! संसार. भउव्यिगा इच्छइ देवाणुप्पियाणं अंतिए मुंडा भवित्ता जाव पव्यइत्तए, तं एयं णं देवाणुप्पियाणं सिस्सिणिभिक्खं, दलयामो पडिच्छंतु णं देवाणुप्पिया! सिस्सिणिभिक्खं, अहासुहं देवाणुप्पिया ! मा पडिबंधं करेह तएणं काली कुमारी पासं अरहं वंदइ नमसइ वंदित्ता नमंसित्ता उत्तरपुरस्थिमं दिसिभागं अपकमइ अवकमित्ता सयमेव आभरणमल्लालंकारं ओमुयइ ओमुइत्ता सयमेव लोयं करेइ करित्ता जेणेव पासे अरहा पुरिसादाणीए तेणेव उबागच्छइ उवागच्छित्ता पासं अरहं तिक्खुत्तो वंदइ नमसइ वंदित्ता नमंसित्ता एवं क्यासी-आलित्ते णं भंते ! लोए एवं जाव सयमेव पच्याविया, तएणं पासे अरहा पुरिसादाणीए कालिं सयमेव पुप्फचूलाए अज्जाए सिस्सिणियत्ताए दलयइ, तएणं सा पुप्फचूला अज्जा कालिं दारियं सयमेव पव्वायेइ, जाव उवसंपज्जित्ताणं विहरइ, तएणं सा काली अज्जा जाया ईरियासमिया जाव गुत्तबंभयारिणी, तएणं सा काली अज्जा पुप्फचूलाए अजाए अंतिए सामाइयमाइयाइं एक्कारस अंगाई अहिज्जइ बहूहिं चउत्थ जाव विहरइ॥सू०३॥
શ્રી જ્ઞાતાધર્મ કથાંગ સૂત્રઃ ૦૩
