________________
अनगारधामृतवषिणी टी० अ० १८ सुसुमादारिकाचरितवर्णनम् ६९१ तुम्हे ममं देवाणुप्पिया ! जीवियाओ ववरोवेह, मंसं च सोणियं च आहारेइ, आहारित्ता, तेणं आहारेणं अबिद्धत्था समाणा तओ पच्छा इमं अग्गामियं अडविं णित्थरिहिह, रायगिहं च संपावेहिह, मित्तणाइ० य अभिसमागच्छिहिह, अन्थस्स य धम्मस्स य पुण्णस्स य आभागी भविस्सह । तएणं से जेट्रपुत्ते धण्णेणं सत्थवाहेणं एवं वुत्ते समाणे धण्णं सत्थवाहं वयासीतुब्भे णं ताओ ! अम्हे पिया गुरुजण य देवभूया ठावगा पइटावगा संरक्खगा संगोवगा तं कहण्णं अम्हे ताओ! तुब्भे जीवियाओ ववरोवेमो, तुब्भे णं मंसं च सोणियं च आहारेमो ? तं तुब्भे णं तातो! ममं जीवियाओ ववरोवेह, मंसं च सोणियं च आहारेह, अग्गामियं अडविं णित्थरह, तं चेव सव्वं भणइ जाव अत्थस्स जाव पुण्णस्स आभागी भविस्सह । तएणं धण्णं सत्थवाहं दोच्चे पुत्ते एवं वयासी-मा णं ताओ ! अम्हे जे भायर गुरुदेवयं जीवियाओ ववरोवेमो, तुब्भे णं ताओ ! ममं जीवियाओ ववरोवेह जाव आभागी भविस्सह । एवं पंचमे पुत्ते तएणं से धणे सत्थवाहे पंचण्डं पुत्ताणं हियइच्छियं जाणित्ता, तं पचं पुत्ते एवं वयासी-मा णं अम्हे पुत्ता ! एगमावजीवियाओ ववरोवेमो, एसणं सुंसुमाए दारियाए णिप्पाणे णिच्चेठे जाव विप्पजढे, तं सेयं खलु पुत्ता ! अम्हे सुंसुमाए दारियाए मंसं च सोणियं च आहारेत्तए । तएणं अम्हे तेणं आहारेणं अविद्ध; स्थासमाणा रायगिहं संपाउणिस्सामो। तएणं तं पंच पुत्ता
શ્રી જ્ઞાતાધર્મ કથાંગ સૂત્રઃ ૦૩
