________________
अनगराधर्मामृतवर्षिणी टीका० अ० १६ सुकुमारिकाचरितवर्णनम्
૨૨૭
भवइ तो णं अहं सागरस्स दारगस्स सूमालियं दलयामि - तणं से जिणदत्ते सत्थवाहे सागरदत्तेणं सत्थवाहेणं एवं बुत्ते समाणे जेणेव सए गिहे तेणेव उवागच्छइ उवागच्छित्ता सागरदारगं सहावे सदावित्ता एवं वयासी एवं खलु पुत्ता ! सागरदत्ते सत्थवाहे मम एवं वयासी एवं खलु देवाणुप्पिया ! सूमालिया ! दारिया मम एगा एगजाया इट्ठा तं चैव तं जड़ णं सागरदारए मम घरजामाउए भवइ ता दलयामि, तरणं से सागरए दारए जिणदत्तेणं सत्थवाहेणं एवं वृत्ते समाणे तुसिणीए, तरणं जिणदत्ते सत्थवाहे अन्नया कयाई सोहणंसि तिहिकरण दिवसणक्खत्तमुहुत्तंसि विउले असणपाणखाइमसाइमं उवक्खडावित्ता मित्तणाइ० आमंतेइ जाव सम्माणित्ता सागरं दारगं पहायं जाव सव्वालंकारविभूसियं करेइ, करिता पुरिस सहरसवाहिणि सीयं दुरूहावेइ, दुरूहावित्ता मित्तणाइ जाव संपरिवुडे सव्विडीए साओ गिहाओ निग्गच्छ, निग्गच्छित्ता चंपानयरिं मज्झम झेणं जेणेव सागरदत्तस्स गिहे तेणेव उवागच्छइ, उवागच्छित्ता सीयाओ पच्चोरुहावेइ, पच्चोरुहावित्ता सागरगं दारगं सागरदत्तस्त सत्थ० उवणेइ, तपणं सागरदत्ते सत्थवाहे विपुलं असणपाणखाइमसाइमं उवक्खडाas उवक्खडवित्ता जाव सम्माणेत्ता सागरगं दारगं सूमालियाए दारियाए सद्धि पट्टयं दुरूहावेइ दुरूहावित्ता सेयापीएहिं कलसेहिं मज्जावेइ मज्जावित्ता अग्गिहोमं करावेइ करावित्ता सागरं दारयं सूमालियाए दारियाए पार्णि गिण्हावेइ ॥ सू० ८ ॥
શ્રી જ્ઞાતાધર્મ કથાંગ સૂત્ર ઃ ૦૩
