________________
अनगारधर्मामृतवषिणी टी० अ० १६ धर्मरुच्यनगारचरितवर्णनम् १५९ -एवं खलु देवाणुप्पिया ! धम्मरई अणगारे मासखमणपारणगंसि सालइयस्स जाव गाढस्सणिसिरणयाए बहिया निग्गए चिरगए तं गच्छह णं तुम्भे देवाणुप्पिया! धम्मरुइस्स अणगारस्स सच्चओ समंता मग्गणगवेसणं करेह, तएणं ते समणा निग्गंथा जाव पडिसुणेति, पडिसुणित्ता धम्मघोसाणं थेराणं अंतियाओ पडिनिक्खमंति, पडिनिक्खमित्ता धम्मरुइस्स अणगारस्स सव्वओ समंता मम्गणगवेसणं करेमाणा जेणेव थंडिल्लं तेणेव उवागच्छति उवागच्छित्ता धम्मस्इस्स अणगारस्स सरीरगं निप्पाणं निच्चेहं जीवविप्पजढं पासंति पासित्ता हा हा अहो अकज्जमितिकटु धम्मरुइस्स अणगारस्स परिनिव्वाणवत्तियं काउस्सगं करेंति करित्ता घम्मरुइस्स आयारभंडगं गेण्हति गेमिहत्ता जेणेव धम्मघोसा थेरा तेणेव उवागच्छंति उवागच्छित्ता गमणागमणं पडिक्कमति पडिक्कमित्ता एवं वयासी-एवं खलु अम्हे तुभं अंतियाओपडिनिक्खमामोर सुभूमिभागस्स उजाणस्स परिपेरंतेणं धम्मरुइस्स अणगारस्स सव्व जाव करेमाणे जेणेव थंडिल्ले तेणेव उवा०२ जाव इहं हव्वमागया, तं कालगए णं भंते ! धम्मरुई अणगारे इमे से आयारभंडए, ताणं ते धम्मघोसा थेरा पुत्वगए उवओगं गच्छंति गच्छित्ता समणे निगथे निग्गंथीओय सदावेंति सदावित्ता एवं वयासी -एवं खलु अजो ! मम अंतेवासी धम्मरुची नाम अणगारे
શ્રી જ્ઞાતાધર્મ કથાગ સૂત્રઃ ૦૩
