________________
अनगारधर्मामृतवर्षिणी टोका अ० १५ नंदिफलस्वरूपनिरूपणम ११६ जणवयं मज्झं मझेणं जेणेव देसग्गं तेणेव उवागच्छइ उवागरिछत्ता सगडीसागडं मोयावेइ मोयावित्ता सत्थणिवेसं करेइ करित्ता कोडुंबियपुरिसे सदावेइ सदावित्ता एवं वयासी-तुभेणं देवाणुप्पिया! मम सत्थनिवेसंसि महया महया सदेणं उग्रोसेमाणा २ एवं वयह-एवं खलु देवाणुप्पिया ! इमासे आगमियाए छिन्नावायाए दीहमद्धाए अडवीए बहुमज्झदेसभाए बहवे गंदिफला नामं रुक्खा पन्नत्ता किण्हा जाव पत्तिया पुफिया फलिया हरियगरेरिजमाणा सिरीए अईव अईव उवसोभेमाणा चिट्ठति मणुण्णा वन्नेणं४ जाव मणुन्ना फासेणं मणुन्ना छायाए, तं जो णं देवाणुप्पिया ! तेसिं नंदिफलाणं मूलाणि वा कंद. तय० पत्त० पुप्फ० फल० बोयाणि वा हरियाणि वा आहारेड छायाए वा वीसमइ तरुणं आवाए भद्दए भवइ तओ पच्छा परिणममाणा२ अकाले चेव जीवियाओ वक्रोवति, तं माणं देवाणुप्पिया ! केइ तेसिं नंदिफलाणं मूलाणि वा जाव छायाए वा वीसमउ, मा णं सेऽवि अकाले चेव जीवियाओ ववरोविजिस्सइ, तुब्भेणं देवाणुप्पिया ! अन्नेसि रुक्खाणं मूलाणिय जाव हरियाणि य आहारेह छायासु वीसमहत्ति घोसणं घोसेह जाव पच्चप्पिणंति, तएणं से धण्णे सत्थवाहे सगडीसागडं जोएइ२ जेणेव नंदिफला रुक्खा तेणेव उवागच्छद उवागच्छित्ता तेसिं नंदिफलाणं अदूरसामंते सत्थणिवेसं करेइ करिता दोच्चपि तच्चपि कोडुंबियपुरिसे सद्दावेद सहावित्ता
श्री शताधर्म अथांग सूत्र : 03
