________________
प्रमेयचन्द्रिका टीका श०६ उ०५ सू०३ लोकान्तिकदेवविमानादिनिरूपणम् ११०५ वइरोयणे३, पभंकरे४, चंदाभे५, सूराभेद, सुक्काभे७, सुपइट्टाभेद, मज्झे रिट्ठाभे । कहिणं भंते ! अच्ची-विमाणे पण्णत्ते? गोयमा ! उत्तर-पुरस्थिमेणं । कहि णं भंते ! अच्चिमाली विमाणे पण्णत्ते? गोयमा ! पुरस्थिमेणं । एवं परिवाडीए णेयत्वं, जाव--कहि णं भंते ! रिट्टे विमाणे पण्णत्ते ? गोयमा ! बहुमज्झदेसभाए । एएसु णं अटुसु लोगतियविमाणेसु अट्टविहा लोगंतिया देवा परिवसंति, तं जहा" सारस्सयमाइच्चा, वण्ही वरुणा य गद्दतो या य।
तुसिया अव्वा बाहा, अग्गिच्चा चेव रिटा य ॥१॥"
कहि णं भंते ! सारस्सया देवा परिवसंति ? गोयमा! अच्चिम्मि विमाणे परिवसति । कहिणं भंते ! आइच्चा देवा परिवसंति ? गोयमा ! अच्चिमालिम्मि विमाणे । एवं णेयव्वं जहाऽऽणुपुवाए, जाव-कहि णं भंते ! रिट्टा देवा परिवसंति ? गोयमा ! रिटम्मि विमाणे । सारस्सयमाइच्चाणं भंते ! देवाणं कह देवा, कइ देवसया परिवारे पण्णत्ते ? गोयमा! सत्त--देवा, सत्तदेवसया परिवारे पण्णत्ते । वण्हि-वरुणाणं देवाणं चउद्दसदेवा, चउद्दस देवसहस्सा परिवारे पण्णत्ते । गद्दतोय-तुसियाणं देवाणं सत्तदेवा, सत्तदेवसहस्सा परिवारे पण्णत्ते । अवसेसाणं नव देवा, नव देवसया परिवारे पण्णत्ते। "पढम-जुयलम्मि सत्त उ सयाणि, बीयम्मि चउद्दस सहस्सा।
तइए सत्त सहस्सा, नव चेव सयाणि सेसेसु ॥१॥"
भ १३९
श्री. भगवती सूत्र:४
