________________
१०३८
भगवती सूत्रे णं जे से संखेजवित्थडे से णं संखेजाई जोयणसहस्साइं विक्खंभेणं, असंखेजाई जोयणसहस्साइं परिक्खेवेणं पण्णत्ते, तत्थ जे से असंखिज्जवित्थडे से णं असंखेजाई जोयणसहस्साई विक्खंभेणं, असंखेजाई जोयणसहस्साइं परिक्खेवेणं पण्णत्ते । तमुक्काए णं भंते ! के महालए पण्णत्ते ? गोयमा ! अयं णं जंबुद्दीवे दीये सव्वदीव - समुद्दाणं सव्वभंतराए, जाव-परिक्खवेणं पण्णत्ते । देवेणं महिड्डीए, जाव - महाणुभावे इणामेव त्ति कट्टु केवलकप्पं जंबुद्दीवं दीवं तिहिं अच्छरानिवाएहिं तिसत्तखुत्तो अणुपरिपट्टित्ताणं हव्वं आगच्छिना, से णं देवे ताए उक्किट्टाए, तुरियाए, जाव - देवगईए बीईवयमाणे वीईवयमाणे जाव--एगाहं दुयाहं वा, तियाहं वा, उक्कोसेणं छम्मासे वीईवइज्जा, अत्थेगइयं तमुक्कायं वीईवइज्जा, अत्थेगइयं तमुक्कायें णो वीईव एजा, एमहालएणं गोयमा ! तमुक्काए पण्णत्ते । अस्थि णं भंते! तमुक्काए हाइ वा, गेहावणा इ वा ? जो इणट्टे समट्ठे । अस्थि णं भंते ! तमुक्काए गामा इ वा, जाव- सन्निवेसा इवा ? णो इट्टे समट्टे | अस्थि णं भंते ! तमुक्काए उराला बलाहया संसेयंति, संमुच्छंति, संवासंति वा ? हंता, अस्थि ! तं भंते! किं देवो पकरेइ, असुरो पकरेइ, नागो पकरेइ ? गोयमा ! देवो वि पकरेइ, असुरो वि पकरेइ, णागो विपकरेइ । अस्थि णं भंते तमुक्काए वायरे थणियसदे, बायरे विज्जुए ? हंता, अस्थि ! तं भंते ! किं देवो पकरेइ, असुरो पकरेइ, नागो
श्री भगवती सूत्र : ४
