________________
१२८
पाइयपडिबिंबो णाइं सुभग्गं य विणा य लोगे, साहण दंसं य हुवेइ Yणं । साहण दंसं पिसुणेति विण्णा, लोगम्मि कल्लाणगरं य णिच्चं ॥११॥ धम्मोवएसं भगवं तयाणि, मच्चा सुणावेइ समागया य । सोऊण तेसि वयणं सुबाहू, इत्थं तयाणि य णिवेयए से ।।१२।। णेऊण आणं पियराण इण्हि, वम्फेमि' दिक्खं य भवाण पासे । सोऊण से णं कहणं य वीरो, साहेइ माइं कुण तं विलंबं ।।१३।।
वच्चेइ सिग्धं स-गिहं सुबाह, बोल्लेइ मायापियरं य इत्थं । वीरस्स वाणि य विरागपुण्णं, सोऊण हं पव्वइउं महेमि ।।१४।।
दिक्खाअ आणं तुरिअंय देज्जा, माइं विलंबं अहणा कुणेज्जा । सोऊण इत्थं वयणं तया से, साहेइ माया इर सोयमाणी ।।१५।। अम्हे य एगो य तुमं य पुत्तो, इट्ठो य कंतो य पियो मणुण्णो । थेज्जोमणामो रयणो इयाणि, वेसासिओ भंडकरंडतुल्लो ।।१६।। तुझं वियोगं सहिउं समत्था, णाई वयं किंचि वि अत्थ पुत्त। मच्चुस्स पच्छा य अओ य अम्हं, काऊण वुड्डि णिअगे कुलं तं ।।१७।। गेण्हेज्ज दिक्खं पहुणो समीवे, णाई य बाहा इर का वि अम्हं । सोऊण मायाअ इमं य वाणि, साहेइ इत्थं कुमरो सुबाहू ।।१८।।
(तीहिं विसेसगं) अंगं अणिच्चं मणुयाण लोगे, लछू विणासं य कयाइ सक्कं । मच्चु गमिस्सेइ य को मणुस्सो, पुव्वं य पच्छा अण को मुणेइ ।।१९।।
णाऊण जीअस्स अणियत्तणं णं, दिक्खाअ आणं तुरिअं य देज्जा । सोऊण से णं वयणं सवित्ती, साहेइ इत्थं य पुणो सुबाहुं ।।२०।।
जं अज्जियं अज्जयपज्जएण, वित्तं य भुजेज्ज समं तुमं तं । पच्छा य मुंडो हविऊण दिक्खं, गेण्हेज्ज णूणं विहुणो समीवे ।।२१।। ६. कांक्षामि। ७. माई मार्थे (प्रा. व्या. ८।२।१९१)। ८. स्थैर्यः । ९. वैश्वासिकः । १०. अण णाई नगर्थे (प्रा. व्या. ८।२।१९०)।
