________________
४६६
नव पदार्थ
२६. खायक चारित आवें मोह करम ने खय कीयां, पिण नावें कीयां पचखांण हो । आवें सुकल ध्यानं ध्यायां थकां चारित छेहले तीन गुणठांण हों । ।
२७. चारितावर्णी खयउपसम हुआं, षयउपसम चारित आवें निधांन हो । ते उपसम हूआं उपसम चारित हुवें, खय हूआं खायक चारित परधान हो ।।
२८. चारित निज गुण जीव रा जिण कह्या, ते जीव सूं न्यारा नहीं थाय हो । ते मोहणी करम अलगो हूआं परगट्या, त्यां गुणां सूं हुवा मुनीराय हो । ।
२६. चारितावर्णी ते मोहणी करम छें, तिणरा अनंत परदेस हो । तिणरा उदा सूं निज गुण विगड्या, तिण सूं जीव ने अतंत कलेस हो । ।
३०. तिण करम रां अनंत परदेस अलगा हुआं, जब अनंत गुण उजलो थाय हो । जब सावद्य जोग नें पचख्या छें सरवथा, ते सर्व विरत संवर छें ताय हो । ।
३१. जीव उजलो हुवो ते तो हुइ निरजरा, विरत संवर सूं रुकीया पाप करम हो । नवा पाप न लागें विरत संवर थकी, एहवो छें चारित धर्म हो ।।
३२. जिम २ मोहणी करम पतलो पड़ें, तिम २ जीव उजलो थाय हो । इम करतां मोहणी करम खय जाए सरवथा, जब जथाख्यात चारित होय जाय हो ।।
