________________
३५२
नव पदार्थ
१८. पेंहलां मनोजोग रूंधे ते सुध, पछे वचन काय जोग रूध । ... उतराधेन गुणतीसमां मांहिं, आश्रव रूंधणा चाल्या , ताहि ।।
१६. पांच कह्या छे अधर्म दुवार, ते तो प्रश्नव्याकरण मझार ।
वले पांच कह्या संवर दुवार, यां दोयां रो घणों विसतार ।।
२०. ठाणा अंग पांचमा ठांणा मांहिं, आश्रव दुवार पडिकमणो ताहिं।
पडिकम्यां पाछो रूंधाए दुवार, फेर पाप न लागे लिगार ।।
२१. फूटी नाव रो दिष्टंत, आश्रव ओलखायो भगवंत ।
भगोती तीज सतक मझार, तीजे उदेसे छे विसतार ।।
२२. वले फूटी नावा रे दिष्टंत, आश्रव ओलखायो भगवंत ।
भगोती पेंहला सतक मझार, छठे उदेसे छे विसतार ।।
२३. ए तो कह्या छे आश्रव दुवार, वले अनेक छे सूतर मझार।
ते पूरा केम कहिवाय, सगला रो एकज न्याय ।।
२४. आश्रव दुवार कह्या ठाम ठांम, ते तो जीव तणा परिणाम।
त्यांनें अजीव कहें मिथ्याती, खोटी सरधा तणा पखपाती ।।
२५. करमां ने ग्रहे ते जीव दरब, ग्रहे तेहीज छे आश्रव ।
ते जीव तणा परिणाम, त्यां सूं करम लागे छे तांम ।।
