________________
: ५
आश्रव पदारथ
दुहा
१. आश्रव पदारथ पांचमों, तिणनें कहीजे आश्रव दुवार । ते करम आवरा छें बारणा, ते बारणा नें करम न्यार ।।
२. आश्रव दुवार तो जीव छें, जीव रा भला भूंडा परिणाम । भला परिणांम पुन रा बारणा, मूंडा पाप तणा छें ताम ।।
३. केई मूढ मिथ्याती जीवडा, आश्रव नें कहें छें अजीव । त्यां जीव अजीव न ओलख्या, त्यांरे मोटीं मिथ्यात री नींव ।।
४. आश्रव तो निश्चेंइ जीव छें, श्री वीर गया छें भाख । ठांम २ सिद्धांत में भाषीयो, ते सुणजो सूतर नीं साष ।।
५. हिवें पाप आवा नां बारणा, पेंहली कहूं छू तांम । ते जथातथ परगट करूं, ते सुणो राखे चित ठांम ।। पा० ।।
ढाल : १
(विना रा भाव सुण सुण गुंजे)
१. ठांणा अंग सूतर रे मझार, कह्या छें पांच आश्रव दुवार | ते दुवार छें माहा विकराल, त्यां में पाप आवे दगचाल ||
