________________
२७०
नवे पदार्थ
४६. ज्यांरो आउखो पाप कह्यों छें जिणेसर, त्यांरी गति आणुपूर्वी पिण दीसें छें पाप । गति आणुपूर्वी दीसें आउखा लारे, इणरो निश्चो तो जांणे जिणेसर आप । ।
४७. च्यार सघेयण हाड पाडूआ छें, ते उसभ नांम करम उदे सूं जांणों । च्यार संठाण में आकर मूंडा ते, उसभ नांम करम सूं मिलीया छें आंणो ।।
४८. वर्ण गंध रस फरस माठा मिलीया, ते अणगमता नें अतंत अजोग । ते पिण उसभ नाम करम उदे सूं, एहवा पुद्गल दुःखकारी मिले छें संजोग ।।
४६. सरीर उपंग बंधण नें संघातण, त्यांमें केकांरे माठा २ छै अतंत अजोग । . ते पिण उसभ नांम करम उदे सूं, अणगमता पुदगल से मिले छें संजोग । ।
५०. थावर नांम उदे छें थावर रो दसको, तिण दसका रा दस बोल पिछांणो । नांम करम उदे छें जीव रा नांम, एहवा इज नांम करमा रा जांणों ।।
५१. थावर नांम करम उदे जीव थावर हूओ, तिण सूं आधो पाछो सरकणी नावें। सूक्ष्म नांम उदे जीव सूक्ष्म हूओ छै, सूक्ष्म सरीर सगला सूं नान्हो पावे ।।
५२. साधारण नांम सूं जीव साधारण हूओ, एकण सरीर में अनंता रहे तांम। अप्रज्याप्ता नांम सूं अप्रज्याप्तो मरे छें, तिण सूं अप्रज्याप्तो छें जीव रो नाम ।।
५३. अथिर नांम सूं तो जीव अथिर कहाणो, सरीर अथिर जाबक ढीलो पावे दुभ नाम उदे जीव दुभ कहाणो, नाभ नीचलो सरीर पाड़ओ थावे । ।
