________________
આત્મા, સંસાર, ચાર ગતિઓ, કર્મબંધ, મોક્ષ, મોક્ષના ઉપાયો, સાધનામાર્ગ, જીવોની ભિન્નભિન્ન કક્ષાઓ, સ્વર્ગનાં વિમાનોનાં વર્ણન, નરકનાં દુઃખોનાં વર્ણન, જ્યોતિષ ચકસંબંધી, ભૂગોળ, ખગોળ, તર્ક, ન્યાય, સાહિત્યો, સપ્તભંગી અનેકાંતવાદ, મંત્રતંત્ર, જ્યોતિષવિદ્યાઓ, જડી-બુટ્ટીઓ, ઔષધો, ચૂર્ણો વગેરેના ચમત્કાર, પ્રભાવ, મહિમાઓનાં વર્ણનો, વિગેરે ઘણું ઘણું નિરૂપણ થયેલ હું વિશ્વનું કોઇ રહસ્ય, કોઇપણ પ્રકારનાં વર્ણનો કરવાનું બાકી રહેતું નથી. આ છે આગમસંગ્રહ રત્નને પારખવા માટે જેમ ઝવેરીની બુદ્ધિ જોઇએ તેમ આ ધર્મના રહસ્યને યથાર્થ પણે પામવા માટે તેવી સૂક્ષ્મ દૃષ્ટિ હોવી જરૂરી છે. પરમતારક તીર્થકર દેવોએ તીર્થકરના ભવથી ત્રીજે ભવે “સવિજીવ કરું શાસનરસી' એ લોકોત્તર ભાવનાપૂર્વક કરેલી વીશ સ્થાનકતપની આરાધનાના યોગે તીર્થંકર નામકર્મને નિકાચિત બંધ કરી જગતના સર્વજીવોનું કલ્યાણ કરનારું આ મહાન શાસન સ્થાપ્યું છે. એનાથી લેશમાત્ર પણ કોઇનું અહિત થવાની શક્યતા નથી.
લોકાલોક પ્રકાશક કેવલજ્ઞાન દ્વારા જગતના સમસ્ત ભાવોને હાથમાં રહેલા નિર્મળ નીરની જેમ નિહાળનારા ચરમ તીર્થપતિ શ્રમણ ભગવાન મહાવીર દેવે દેવનિર્મિત સમવસરણમાં બિરાજીને વાણીના પાંત્રીસ ગુણયુક્ત જે દેશના પ્રવાહ વહેવરાવ્યો, બીજ બુદ્ધિ ધણી લબ્ધિના નિધાન ગણધર ભગવંતોએ બુદ્ધિરૂપી વસ્ત્રમાં એ પ્રવાહને ઝીલીને સૂત્રરૂપે ગૂંથ્યો તેજ આગમ સિદ્ધાંતરૂપે આપણા હાથમાં આવ્યો છે, એવા અણમોલ શ્રત ખજાનો વર્તમાનકાળના જીવો માટે સદ્ભાગ્ય છે.
