________________
२५२. प्रायःतीर्थप्रवाहे अविच्छिन्न तीर्थ परिपाट्यामपवादेन
પ્રવૃત્તિઃ | અર્થ – પ્રાયે કરીને અવિચ્છિન્ન તીર્થની પરંપરામાં અપવાદથી પ્રવૃત્તિ ચાલે છે. એકલા ઉત્સર્ગ માર્ગથી આ શાસનની પરંપરા ન ચાલે. જૈન શાસનરૂપી રથ ઉત્સર્ગ અને અપવાદરૂપી બે પૈડાથી જ ચાલે છે. માટે માત્ર ઉત્સર્ગ માર્ગી કે માત્ર અપવાદ માર્ગ ન બનવું. (એકલો ઉત્સર્ગ માર્ગ તો જિનકલ્પી વગેરે મુનિઓ માટે જ
હિતાવહ છે.) २५३. अपवादस्तावच्छ्रान्तानां पथिकानां विश्रामस्थान कल्पः ।
અર્થ – અપવાદ તો માર્ગમાં થાકેલા પથિકોને વિસામાના સ્થાન તુલ્ય છે. (ઉત્સર્ગમાર્ગ ઉપર ચાલતાં ચાલતાં થાકી જનારા સંયમાર્થી સાધુઓ માટે અપવાદ એક વિસામા તુલ્ય
છે.) २५४. साधु विरहित देशे श्रावकस्य निवासो न युक्तः ।
અર્થ – સાધુ રહિત દેશમાં શ્રાવકે રહેવું યુક્ત નથી. પરદેશમાં જનારા જેનોએ આ વાત મન ઉપર લેવા જેવી છે. પરદેશોમાં જનારા ઘણા જૈનોનું જૈનત્વ પડી ગયું. માટે જૈનત્વની રક્ષા ખાતર પરદેશ જવાનો મોહ છોડવા જેવો છે. પરદેશમાં પુણ્ય હશે તો પૈસો મળશે, પણ ત્યાંનાં ભયંકર પાપો વળગી પડશે. પૈસા માટે આ માનવજીવન નથી, પરંતુ પાપોને છોડવા માટે આ જીવન છે એ વાત ભૂલવી ન જોઈએ. આજના કાળે તો
