Shrut Mahapooja

SR No.: 006177
Original Sutra Author: N/A
Author: Kirtiyashsuri
Publisher: Ramchandrasuri Smrutimandir Anjan Pratishtha Mahotsav Samiti
Total Pages: 104
Language: Gujarati
Classification: Book_Gujarati
File Size: 20 MB

Page 90

૧૨૫, અનેકાંતવ્યવસ્થા પ્રકરણ :
૩૩૫૭ શ્લોક પ્રમાણ મહોપાધ્યાય યશોવિજયજી મહારાજા રચિત આ ગ્રંથમાં એકાંત એટલે શું ? અને અનેકાંત એટલે શું ? ૭ નયોનું સ્વરૂપ શું ? દ્રવ્યાર્થિક અને પર્યાયાર્થિક એ વિભાગમાં નયોની વહેંચણી, ૧-૧ નય ગ્રહણ કરવા અન્ય દર્શનોની ઉત્પત્તિ, દરેક દર્શનોનું મિથ્યાપણું, દેશના પ્રથમ ૩ નયની જ આપવાનું તર્કપૂર્વક કથન, સપ્તભંગીની પ્રરૂપણા, તે તે ભંગ કયા નયમાં અને તે તે નય કયા ભંગમાં અવતરે છે, આત્માનું અનેકાંતત્વ, અનેકાંતવાદની વિશ્વવ્યાપકતા વગેરે પદાર્થો નવ્ય ન્યાયની ભાષામાં રજૂ કરવામાં આવ્યા છે.
૧૨૬, મહાવીર ચરિયું :
કોઈપણ જીવના ભાવની ગણતરી તે જીવ સમ્યક્ત્વ પામે ત્યારથી જ થાય છે. તે રીતે પૂર્વના ૨૭મા ભવમાં સમકિત પામ્યા ત્યારથી અંતિમ ભવ સુધીનું ૫૨માત્મા મહાવીરસ્વામીનું ભાવવાહી જીવન ચરિત્ર આ ગ્રંથમાં રજૂ કર્યું છે. દરેકે દરેક ભવમાં પરમાત્માના જીવની મનોદશા, ભાવધારા, ઔચિત્ય, વિવેક વગેરે વર્ણન આ. ગુણચંદ્ર ગણીવરે પ્રાકૃત ભાષામાં આ ગ્રંથમાં રજૂ કર્યું છે.
આવાતો હજારો ગ્રંથો આજે ઉપલબ્ધ છે. જીવનમાં એકથી બીજી વાર વાચવાનો વારો ન આવે એટલા બધા ગ્રંથો આજેય ઉપલબ્ધ છે.
તપાગચ્છાધિરાજ સર્વજ્ઞ સિદ્ધાંત સંરક્ષક ધર્મશાસન પ્રભાવક પરમારાધ્યપાદ પ.પૂ.આ.દે. શ્રીમદ્ વિજય રામચંદ્રસૂરિ મહારાજા દ્વારા લખાયેલાં કેટલાંક પુસ્તકોનો અલ્પ પરિચય
-
૧૨૭. પતન અને પુનરુત્થાન :
કહેવાય છે કે વિષનું એક બિંદુ સો મણ અમૃતને વિષમય બનાવે છે. પણ આશ્ચર્યકારક ઘટના એ બની... અમૃતના એક બિંદુએ સો મણ વિષના કુંડને અમૃતમાં ફેરવી દીધું. એ ઘટના ક્યાં બની ? કનકખલ આશ્રમ ‘બુઝ્ઝ બુજ્સ ચંડકોશિયા' રૂપ અમૃતના એક બિંદુએ દ્રષ્ટિવિષ સર્પના વિષના કુંડને અમૃતમાં ફેરવી નાંખ્યો.
ક્રોધની આગમાંથી, ગોભદ્રમાંથી ચંડકૌશિક કેવી રીતે બન્યો ? ક્રોધમાંથી સમતા કેવી રીતે પામ્યો ? પતન થયા પછી ફરી ઉત્થાન કેવી રીતે થયું ? આ વસ્તુ જાણવી છે ? તો અવશ્ય વાંચો.
નાનકડું નિમિત્તે પતનનું કારણ કઈ રીતે બને ? અને પતિતનું ઉત્થાન કઈ રીતે થાય? તેની સાધના વેગવંતી કેમ બને તે સમજાવવા માટે ચંડકૌશિકનું દ્રષ્ટાંત એટલે જ આ ગ્રંથ.
શ્રુત મહાપૂજા
८०