________________
શ્રુત મહાપૂજા
પંચમ ગણધર સુધર્માસ્વામીના મુખરૂપી ગંગોત્રીમાંથી વહેલી શ્રુતગંગા બાર અંગમાં વહેંચાયેલી છે. તેમાંના અગિયાર અંગ તે વખતની લોકભાષા એવી પ્રાકૃતભાષામાં અને બારમુ અંગ સંસ્કૃત ભાષામાં રચાયેલ છે. દૃષ્ટિવાદ નામનું બારમાં અંગમાં પ્રચલિત એવા ચૌદ પૂર્વે આવેલા છે.
શ્રમણ ભગવંત મહાવીરના મુખે અર્થ દ્વારા કહેવાયેલું અને સુધર્માસ્વામી વડે સૂત્ર દ્વારા ગૂંથાયેલું શ્રુતજ્ઞાન ચરમ કેવળી જંબુસ્વામીપ્રભવસ્વામી-શયંભવસૂરિ આદિ સુવિહિત સૂરિપુરંદરોની પરંપરા દ્વારા આજ સુધી વહેતું રહ્યું છે.
*આ શ્રુતજ્ઞાન આપણા સુધી કઈ રીતે પહોંચ્યું ? ક્યાં - કઈ સાલમાં તે કયા આક્રમણોનો ભોગ બન્યું ?
કેવી રીતે - કેટલા અંશે તે નાશ પામ્યું ?
-
* નવી નવી રચનાઓ દ્વારા કેવી રીતે સચવાયું ?
* રક્ષા માટે કયા મહાપુરુષોએ કેવો ભોગ આપ્યો ? * નિર્ભેળ અને સંપૂર્ણ સાચવવા શું પ્રયત્નો થયા ?
શ્રુતજ્ઞાનની આરાધનાથી કોણે-કોણે આત્મકલ્યાણ કર્યું ? * શ્રુતજ્ઞાનની વિરાધનાનું ફળ કોને - કઈ રીતે મળ્યું ? * આપણને અત્યારે પ્રાપ્ત થયેલ શ્રુતજ્ઞાન કેવું અને કેટલું છે ?
આ શ્રુતજ્ઞાનની આરાધના-પ્રભાવના-૨ક્ષા માટે આપણા સૌના આરાધ્ય, પ્રાતઃસ્મરણીય પૂ. સાહેબજીએ આઠ-આઠ દાયકા સુધી શું શું કર્યું?
આ બધા પ્રશ્નોનો સચોટ ઉત્તર એટલે જ આ શ્રુત મહાપૂજા.
શ્રુત મહાપૂજા
