________________
श्री विजयपद्मसूरिविरचितः
सगवीसइगुणकलिया, सुयजोगनिओगदक्खगीयत्था ॥ गीयत्थणिस्सिया जे, विहाववियलाअमिजगुणा॥५०॥ फलकिरियाजोगावं-चगा जिणाणप्पमाणगुणरंगी॥ गुरुकुलवासी भावा, साहू ते पुजगुरुभत्ता ॥५१॥ सिरिगुरुगुणछत्तीसा-छत्तीसोग्गंथवुत्तविविहगुणे ॥ संबोहाईसु मुणी, णिहिटे वित्थरा वंदे ॥ ५२ ॥ सिरिसाहुपयवियारो, आगमनोआगमहि णायव्यो । उवओगबोहकलिओ, पढमो किरियण्णिओ बिइओ॥५३॥ आसण्णसिद्धिएहिं, पत्तं पाविज्जए पयं पुण्णा ॥ ते धण्णा लद्धपया, धण्णयरा लद्धतप्पारा ॥५४॥ ते धण्णा सप्पुरिसा, णिम्मलयरदसणा महापुण्णा ॥ जे सययं बहुमाणा, विहिणा सेवंति लाहुपए ॥५५॥ सिरिसालिभद्दधण्णे, तिस्सगमेअजढंढणकुमारे ॥ खंदगरोहोदाई, गिम्मलगुणसामहत्थिं च ॥ ५६ ॥ गयसुकुमालसुबाहू, सुकोसलं हल्लपुंडरीए य ॥ मेहकुमारावंती-सुकुमाले सव्वया सरमि ॥ ५७ ॥ मणगमहाबलसाले, पुज्जविहल्ले दसण्णभदं च ॥ अद्दकुमारेलाई-पुत्तं णिच्चं पणिवयामि ॥ ५८ ॥ पुज्जं विण्हुकुमारं, दढप्पहारिप्पसण्णचंदे य ॥ भव्वमहासालमुणिं, पुचमुणिंदे सया वंदे ॥ ५९॥
