________________
श्री विजयपद्मसूरिविरचितः
सिक्खडाणप्पडिमा-धारणसीले विगिद्धिपरिणामे ॥ परिचत्तेसणदोसु-प्पायणदोसे समी वंदे ॥ ३० ॥ चत्तुग्गमाइदोसे, मंडलिदोसासवोहपरिहारे ॥ सुमणे पच्चक्खाणा-वस्सयविगइस्सरूवण्णे ॥३१॥ जिणकप्पथविरकप्पे, आचेलक्काइकप्पचरणाई। पच्छित्ताइं साहू, जाणंते सव्वया वंदे ॥ ३२ ॥ दिव्वाइओवसग्गे, खंतीइ परीसहेऽ वि पसहंते ।। भयदुहसज्जाचाई, सुहसज्जाभावणासेवी ॥३३॥ पिंडेसणासुपाणे-सणापवरसत्तसत्तियाबोहे ॥ असुहाओ भासाओ, वज्जते साहुणो वंदे ॥ ३४ ॥ सव्वासंवरवजी, मइकरणा सबलदोसपरिहारी ।। असमाहिविभंगट्टा-णविहीणे साहुणो सरमि ॥३५॥ जयणिक्करयाण नमो, थिरनयणाणं पसण्णवयणाणं ॥ उत्तमगुणरयणाणं, जियमयणाणं णमो णिच्चं ॥३६॥ मणपज्जओहिनाणी, सुयनाणविसिटलद्धिसिद्धिजुए ॥ उत्तमकुलबलजाई, पहाणरूवे सरमि साहू ॥३७॥ लज्जालाघवजुत्ते, जीवणमरणाहिलासपरिहीणे॥ पगइविणीए संते, झाएमि समी पगइभद्दे ॥ ३८ ॥ मिउमद्दवगुणसोहे, ओयंसि जसंसित्यवच्चंसी ॥ जलयं व लेवरहिए, संखव्व निरंजणे वंदे ॥ ३९ ॥
