________________
प्राकृतस्तोत्रप्रकाश
%
साषयपडिमागुणठा-णगदेसी भावणा धरते य॥ चित्ते महब्बयाणं, वंदे सुयवायगोज्झाए ॥७०॥ अडसगदसविहपूया-परूवगा भावणा असुद्धाओ॥ पणवीसई चयंते, जे वंदे ते सुहोज्झाए ॥ ७१ ॥ तेवीसिंदियविसए, चयति गहणं सुहेयराणं जे ॥ न कुणंति संजमाओ, झाअमि ते पाढगे णिच्चं ॥७२॥ मिच्छत्तभेयदंसी, चउविहसंघे महागुणनिहाणे ॥ जे गणरक्षणसीला, समरामि सया महोज्झाए ॥७३॥ चोदसजीवडभंगे, अंगाइयपूयणं परूवेंते ॥ विणयविवेगणिहाणे, वायगराए सरामि सया ॥७४॥ नवविहणियाणवज्जी, पोग्गलपरियट्टणंतणिदेसी ॥ णयखित्ततत्तदंसी, पढगराए पणिवयामि ॥ ७५ ॥ विकहाचउक्तवज्जी, धम्मकहाकारणाणुओगविए ॥ णिक्खेवधम्मवाए, समरमि णिच्चं महोज्झाए ॥७६॥ पंचप्पमायचाई, ववहारसुनाणपवयणंगाई ॥ सम्मत्ताइ कहते, णिच्चं वरवायगे णममि ॥ ७७॥ सावगवयविहिवाए, रुइदसभेए सया निरूते ॥ काउस्सग्गपदोसे, हिंसाहिंसा सरूवण्णे ॥ ७८ ।। अडमयचाई सद्धा-पवयणमायप्पभावविण्णाणे ॥ सिरिसिद्धभेयदसतिग-प्परूवगे पाढगे वंदे ॥ ७९ ॥ १२
