________________
१६४
श्री विजयपद्मसूरिविरचितः
बारसभेओ य तवो, णियसंचियकम्मणिज्जराकरणं ॥ चोद्दसरज्जुपमाणो, लोओ जीवाइपरिकलिओ ॥१३॥ सुलहं चक्कित्ताई, सम्मत्तं दुल्लहं जिणाहीसो ॥ सो चेव धम्मदंसी, एवं सुहभावणा सूरी ॥ १४ ॥ सेवियगुरुकुलवासे, जियणिद्दे देसकालभावण्णे ॥ आसण्णलद्धपडिहे, वंदे सूरीसरे सययं ॥ १५ ॥ उवणयणयहेउण्णे, णिगमाहरणप्पहाणतत्तण्णे ॥ सुत्तत्थविहिण्णवरे, थिरपरिवाडी अणासंसी ॥१६॥ गहणासेवणसिक्खा, पयाणकुसले णवीणसीसाणं ॥ जियपरिसे समयण्णे, वंदे गीयत्यवच्छल्ले ॥ १७॥ विणयपवत्तणसीले, अडविहगणिसंपयासमाइण्णे ॥ आयरणाइविसिट्टे, विहिणाऽऽयरिए पणिवयामि ॥१८॥ विण्णायविविहभासे, गच्छे सुहसारणाइविहिदक्खे ॥ रुइनाणसंजमतवे, उज्जुत्ते णममि सूरिंदे ॥ १९ ॥ बारसपडिमावाही, रक्खियवयचत्तपावगनियाणे ॥ विजियपरीसहसेणे, चोदसजियभेयताणयरे ॥२०॥ वयणावस्सयलेसा, भासा छद्दोस दविय संबोहे ॥ विविहेसणापसत्ते, भयमयवियलोवगिइसत्ते ॥२१॥ अडगुरुगुणसुद्धिपए, अडविहदंसणचरित्तनाणड़े ॥ जोगंगणुओगहरे, कम्मण्णे सिद्धिदिहिहरे ॥ २२ ॥
