________________
प्राकृतस्तत्रप्रकाशः
मणुयत्तं पुण्णेणं, णवपयसंसाहणं च पुण्णेणं ॥ लभइ ता पढमदिणे, अरुहंताराहणं कुज्जा ॥२९॥ गुणलक्खा विहिमाणो, अमियविहाणप्पवित्तिपरिमुइओ॥ सिरिसंघो सिरिनिलओ, मंगलमाला लहेउ सया॥३०॥ अरिहंतवणझाणा, वंदणणमणेहि रोगविद्दवणं ॥ उवसग्गवग्गविलओ, णियमा चित्तंबुउल्लासो ॥ ३१ ॥ गुणणंदणिहिंदुसमे, सिरिगोयमकेवलत्तिवरदियहे ॥ पहुधम्मपुण्णरसिए, जइणउरीरायणयरम्म ॥ ३२॥ सिरिसिद्धचक्कसंगं, थुत्तं तित्थेसराण पढममिणं । सुग्गहियक्खाण महो-वयारि गुरुणेमिसूरीणं ॥ ३३ ॥ सीसेणं पोम्मेणं, रइयं सिरिकुमुयसाहु प-गडें ॥ सिद्धाईत्थवणाई, अट्ठ करिस्सामि सेसाई ॥ ३४ ॥
॥ समप्तं सिरिअरिहंतपयथुत्तं ॥
॥२॥श्रीसिद्धचक्र स्तोत्रसंदोहे श्री सिद्धस्तोत्रम् ॥
॥ आर्यावृत्तम् ॥ थुणिय परमगुणनिलयं, णेमिपहुं पुण्णभावसंपुण्णं ॥ णिम्मलसिद्धत्थवणं, करेमि सिरिसिद्धचक्कगयं ॥१॥