________________
श्री विजयपद्मसूरिविरचितः सक्कयपाययगुजर, हिंदीभासासु जेण बहुगंथा ॥ विहिया सयत्यजुत्ता, जसविजयं तं सया वंदे ॥४॥ सुयहरवायगगयणे, रवितुल्लं कुमयणासगं धीरं॥ सपरसमयविण्णाणं, जसविजयं तं सया वंदे ॥५॥ गुज्जरदेसे धण्णे, मज्झे कल्लोलपट्टणाण बरे ॥ सिटकणोडागामे, जायं तं वायगं वंदे ॥६॥ नारायणक्खतायं, जणणीसोहग्गदेमहातणयं ।। लहुबंधुपोम्मसीह, जसवंतसिसु णमह भव्वा ! ॥ ७ ॥ चाउम्मासीं किच्चा, कुणगिहगामंमि पुजणयविजया ॥ विहरता गुणवंता, समागया देसणुज्जुत्ता ॥ ८ ॥ सोच्चा वाणी तेसिं, सपुत्तजुम्माइ धण्णनणणीए ॥ करिगयरसिंदुवासे, गहिया वरपत्तने दिक्खा ॥ ९ ॥ मुणिजसविजयहिहाणं, ठवियं जसवंतजिटपुत्तस्स । सिरिपोम्मविजयणाम, नत्थं लहुपोम्मसीहस्स ॥ १० ॥ लहुसमए बुद्धिबला, सिद्धंता सपरभेयसंजुत्ता॥ विण्णाया जसमुणिणा, गुरुप्पसायाणुभावेणं ॥ ११॥ कमसो ससीसगुरुणो, णिहिणंदरसिंदुमाणवरिसंमि ॥ णयविजया विहरंता, समागया रायणयर मि ॥ १२ ॥ विहियं तत्थ वहाण-द्वगं जसेणं मुणीसरेण तया ॥ दट्टणं बुद्धिबलं, धणसेट्ठी हरिसमावण्णों ॥१३॥
